(Clips of real sacrifices)
“SORRY, MOM, but I need to go,” aniya. Mahina na ang boses niya nang sabihin iyon. Wala na siyang panahon upang magtagal pa. Nasabi na niya ang dapat niyang sabihin. Tama na iyon upang mabulabog ang isipan ng kanyang sariling ina.
Hanggang sa makalabas siya ng gate ay hindi pa rin umaalis ang Mommy niya kung saan niya ito iniwan. Masama ang loob niya. Gustung-gusto na niyang manakit! Sa galit niya ay inapakan niya silinyador upang mapabilis ang kanyang pagpapatakbo. Doon niya ibinuhos ang lahat ng gumugulo sa kanyang isipan. Akala niya, he’s totally fine. Lalo lamang pala naging miserable ang buhay niya ngayon.
Pinili niyang iwan ang pamamahala ng negosyo ng kanilang pamilya upang tahakin ang pansarili niyang ambisyon. Subalit nagkaroon ng aberya na umabot pa
