(The real antagonist)
“GIDEON!” malakas na tawag niya sa anak matapos buksan ang pinto ng silid ng kanyang ama. Natigil siya sa paghakbang nang makitang karga-karga ng Papa niya ang anak na tahimik lang na nakikinig sa sinasabi nito. May kung anong kinukwento ito sa bata na kumuha ng interes nito. Nang lingunin siya ng anak ay masigla siya nitong tinawag at bahagyang naglumikot kaya marahang gumalaw ang wheelchair na kinauupuan ng Papa niya.
“Ma-ma…”
Dahan-dahan siyang humakbang palapit sa anak niyang nag-aabang na sa kanya. Nakabuka ang dalawang kamay nito na halatang nagpapakuha sa kanya. Maingat niya itong kinarga kasunod ng pagsulyap sa ama niyang nakangiti sa kanya.
“Umuwi ka na pala, Arwa. Bakit hindi ka man lang nagpasabi? Sana ay sinundo ka naming sa airport,” anito. Bakas ang
