(It’s the always the same)
NAGISING siya nang may marinig na bumukas. Pagkatapos niyang ayusin ang mga gamit nilang dalawa ni Gideon ay tinabihan niya ito saka ipinikit ang mga mata. Ang idlip na balak niya sana ay nauwi sa mahimbing na pagtulog. Tila ganoon din ang anak niya dahil tulog pa rin ito nang magising siya. Magaan niya itong hinagkan saka maingat na bumangon. Tiyak na gutom na rin si Gideon kaya ipaghahanda niya ito ng gatas.
Maliwanag ang silid niya kahit pa madilim na sa labas. Tanaw niya ang mga ilaw sa poste na nagsilbing liwanag sa kanyang silid. Hindi niya maiwasang mapangiti. Ang sarap pa rin sa pakiramdam na walang pinagbago ang silid niya mula noon hanggang ngayon. Kitang-kita niya ang malaking gate sa bintana na natatabingan ng dilaw na bulaklaking kurtina. Madalas
