Agad kong nasapo ang ulo ko dahil bigla itong kumirot nang magmulat ako ng mga mata.
Teka, nasaan ako?
Isang hindi pamilyar na silid ang kinaroroonan ko at nakahiga ako sa isang malaki at malambot na kama.
Natandaan ko kung ano ang huling nangyari sa'kin bago ako napunta sa lugar na ito.
Pero kung kidnapping ang nangyayari, bakit wala ako sa isang madilim at mabahong bodega katulad nung mga nakikita ko sa TV?
Sa halip ay nandito ako sa isang magarang silid at nakahiga sa malambot na kama.
Dahan-dahan akong naupo mula sa pagkakahiga dahil hilong-hilo pa iyong pakiramdam ko pero ayokong manatiling nakahiga na lang at hindi aalamin kung ano ang nangyayari?
Dinukot ba ako? Sino naman ang maaaring magpadukot sa'kin? Sa dami ng mga nakaaway ko dahil sa aking kamalditahan ay nahihirapan a
