Sy gebruik die tyd in die stort om die droom wat sy gehad het te ontsyfer. Dis redelik maklik om alles te verstaan, maar haar gedagtes bly teruggaan na die feit dat Samuel gesê het Nick probeer haar red. Sy het lank gelede geleer om na haar drome te luister ... nagmerries of nie.
Sy skuld Nick en uit al die vreemde mense wat binne die afgelope vier-en-twintig uur in haar winkel opgedaag het … ken sy Nick die langste en vertrou hom die meeste.
Dis meer as 'n uur voordat sy uiteindelik die bomskuiling oopgesluit het en die deur stadig oopmaak om so stil as moontlik te probeer wees. Sy kan geluide bo hoor en frons toe sy die vinnige geluid van 'n boor hoor. Teen die tyd dat sy by die trappe opkom en om die hoek loer, het die geluid weer opgehou.
Daar is 'n man op 'n leer by die sy-ingang w
