Sorry 'di ko man lamang na naisip ang sasabihin ng tao sa iyo. Sa akin nga pala wala lang 'yon samantalang sa iyo na babae pa naman, marami."
"Kaya mula ngayon rendahan mo ang sarili mo kung hindi talagang lalayuan na kita!"
"Mula ngayon 'di ko na 'yon gagawin, pero bakit ganoon kasi tuwing makita kita 'di ko mapigil ang sarili na yakapin at halikan ka!"
"May asawa ka 'di ba? Siya ang yakapin mo at halikan!!"
"Ni minsan ay hindi ko ginawa sa asawa ko ang mga bagay na 'yon at kahit sa iba pang babae pero sa 'yo bigay na bigay ako!" pag-mayabang pa ni Dane.
Natawa ako sa sinabi niya at para akong bata na biglang namula at nahiya sa sinabi niya sa akin.
"Kumusta na nga pala anak mo?" tanong ni Lenna na pilit nang iniwasan na pag-usapan ang mga bagay na 'yon.
"Hindi pa siya nagigising p
