Kinusot ni Dane ang mata niya at baka ito ay isang panaginip lamang. Kinurot pa niya ang pisngi para malaman kung ito nga ba ay totoo.
"Nanaginip ka ba? Sumisigaw ka kanina, ano ba ang panaginip mo?" ani Lenna na parang nag-alala sa asawa.
"Ano ba ang nangyari at bakit ako nandito sa ospital? Paanong ikaw ay nabuhay?" tanong ni Dane sa asawa.
"Hindi ba dinala mo ako rito sa ospital kaya lamang siguro sa pagod mo ay nakatulog ka sa tabi ko,"
Basa pa ang mga mata ni Dane sa pag-iyak kaya nang makita niya muli ang asawa ay napayakap dito at naluha.
"Mukhang sobra nakakatakot ang panaginip mo at umiiyak ka pa kanina. Minasdan kita at narinig ko ang sinabi mo na mahal na mahal mo ako!"
Tumayo si Dane at niyakap pa muli ang asawa na mahigpit.
"Akala ko ay totoong namatay ka! Hindi ko ala
