LINGID SA kaalaman ni Thunder na habang masaya siya sa langit ay sadyang kaawa-awa naman ang kaniyang katawan sa lupa. Kasalukuyang nakaburol ang kaniyang katawan sa okupadong k'warto sa club kaya naman sandaling natigil ang operasyon ng club dahil sa pagdadalamhati ng kanilang mga kaibigan sa lupa.
Kung saan ang bangkay niya ay iniiyakan ng kaniyang dalawang malapit na kaibigan na ngayon ay nagsisisi pa rin sa pagkakanulo sa kaniya.
"Mr. Felix Fernandez at Mr. Zander Legaspi, hindi na kayo maaaring magtagal pa," ang sabi ng chief officer na sumamang dumalaw sa kanila para sa huling araw ng burol ni Thunder.
"Sandali," pagpigil ni Zander habang nakatitig pa rin sa bangkay ng kaibigan. At doo'y bahagya namang napakunot ang noo ni Felix. "Nais ko sanang isama ito sa hukay niya," wika pa n
