TANDANG-TANDA pa rin ni Gia kung paano siya pagdudahan ni Thunder no'ng araw ng mismong birthday nito. Buong akala niya ay iyon na ang araw na mabubuking siya pero buti na lang at nakagawa agad siya ng palusot.
"Ahm, Thunder, nasasaktan ako." Doo'y napabitiw naman sa kaniyang braso si Thunder. At saka niya ito hinarap. Halata sa mga mata nito ang pagdududa. "Ako po si Gia, at hindi naman po siguro masamang magkagusto ako sa'yo."
"I'm sorry." Hindi niya alam kung para saan ba ang sorry na 'yon, sa pagdududa ba nito sa kaniyang pagkatao o sa kawalang pag-asa dahil tanging si Angela lang naman ang posibleng mahalin nito. Parang hindi na magawang tumingin sa kaniyang mga mata ni Thunder ng sandaling iyon nang sabihin nito ang mga katagang, "Kalimutan mo na ang araw na ito, I'm sorry kung na
