"Pakisabi ulit kay Tiya Marisa na salamat talaga sa mga ito, Julius. Babalik pa ulit ako bukas para kunin pa ang mga gulay na binibigay niya para kay Tay Kamor." pasasalamat ko kay Julius na nakangiti pero bahagyang nakayuko.
Kagagaling lang namin ng Saguran para bumili ng kailangan sa bahay lalo na para kay Tay Kamor.
Matagal na palang nagtitinda doon ang ina ni Julius at kilala na sila kaya nabili ko ang lahat ng bitbit ko ngayon sa murang halaga.
May ibinigay pang libreng mga prutas ang ina niya para kay Tay Kamor na talagang pinapasalamat ko. Kailangan niya ito para gumaling agad.
"Walang anuman, Elaina. Huwag kang mag-alala ipapadagdag ko kay Nanay iyong ibibigay niya para mas mabilis gumaling si Tay Mando." sagot niya at bahagyang napakamot sa batok na parang nahihiya.
Napan
