" Hindi kita uurungan, Arthure! " sigaw ni David kay Arthure kahit na magkaharap lang silang dalawa.
Nasa likod ni Arthure si Noah habang kami ni Moises ay nasa likod ni David.
" Kung ganoon, halika sa labas at tapusin natin ang dapat tapusin! " balik na sigaw ni Arthure kay David.
Kanina pa sila nagbabangayan o mas maganda yatang sabihin kong nagsusubukan. Nauna si Arthure na mag-ayang maglaban sila ni David. Noong una, hindi pinansin ni David ang mga sinasabi ni Arthure pero siguro nakulitan at natamaan siya dahil sa mga sinabi ni Arthure kanina.
Napangisi si David, " Sige, tara! Pero bago iyon, dapat may parusa ang kung sino ang matalo! " sabi ni David.
Napatingin kaming dalawa ni Moises kay David dahil sa kanyang sinabi.
" Pusta? Ano ito? Isang larong pambata? " mga tanong ni Art
