" Ano ka ba Kelvin! Seryosohin mo naman ang pagsasanay! " sigaw sa akin ni David.
Napasimangot na lang ako dahil sa kanyang sinabi. Kanina pa kami nagsasanay at kanina pa ako bugbog sarado sa kanya! Hindi ko naman akalain na ang pagsasanay na sinabi niya noon ay totoo, ang akala ko, walang sakitan ang magaganap pero nagkamali ako.
" Magpahinga na muna tayo. Ipagamot moniyan sa mga nurse, " sabi ni David sa akin.
Napabuntong hininga na lang ako at tumayo mula sa pagkakaupo sa sahig. Napatingin ako kay Moises na nasa gilid. Malayo ang tingin at halatang malalim ang kanyang iniisip. Alam ko kung bakit siya nagkakaganya, dahil sa kanyang kapatod na si Noah.
Gusto ko sana siyang lapitan at kausapin peeo mas kailangan kong magpatingin sa mga nurse. Naglakad ako palapit sa dalawang nurse na n
