ANDREA POV
BISPERAS ng kaarawan ko ngayong araw na ito, bukas na bukas din gaganapin na ang ikalabing walong kaarawan ko. Ang araw na pinakahihintay ni mama at papa at ng buo kong pamilya rito sa mansyon. Pero ako hindi ko alam kung ano ang nararamdaman ko--- magiging excited lang siguro ako kung makakadalo si Gabriel. Ngunit imposible ang siyang nais ko dahil alam kong walang mag-iimbita sa pamilya ni Gabriel--- walang kahit na isa sa pamilya ko. Lungkot ang sumilay sa labi ko ng maalala ang posibleng mangyayari. Inikot ko ang tingin ko sa paligid ng silid ko, pasado alas tres na ng hapon--- hindi na rin ako makakalabas ng mansyon para bisitahin si Gabriel. Napatingin ako sa selpon ko napakunot-nuo ako ng may ilang beses na may nagtangkang tumawag sa akin. Pagtataka ang naisip ko kung si
