Sinabit ko yung strap ng backpack sa likod. "Magdala ka na rin ng gatorade na blue para kumpleto yang pagpapanggap mo," sabi ni Elio nang sinabi ko sa kanila ni Rizza na pupuntahan ko si Aki. Ngayon lang 'to. Makakahanap din naman siguro ako ng palusot para hindi na ulit kami magkausap. He can't force me to talk with him in person though. Lalo na't hindi naman ako naiiwan na mag-isa kapag nasa campus. Kung hindi ako nakakabit kay Rizza na kay Elio ako.
Nagmamadaling umalis si Rizza kasi may pupuntahan daw sila ni Ian. Si Elio naman ay sumabay na rin sa kaniya. Isa ako sa iilang tao sa room na naiwan para tapusin ang activity sheet para sa last subject. Attendance raw kasi 'to. Ang hindi makapagpasa ay automatic na absent.
Paubos na rin ang tinta ng ballpen na gamit ko nang matapos ako
