Ariadne silently suppressed her sobs as the banging on her door slowly stopped. Siguro ay napagod na rin si Damon. Nakaukit sa kanyang isipan ang pag-aalalang nakapinta sa mukha nito kanina. Ang pag-aalala sa tinig nito, ang mahigpit na pagyakap nito sa kanya. Wala siyang ibang magawa kung hindi ang itaboy ang lalaki. Hindi niya alam kung kakayanin niya ba na sabihin dito ang lahat-lahat, o kung totoo na ba ang sinasabi nito na mahal na mahal siya nito. Sa mga nakalipas na araw at linggo na kasama niya ang lalaki ay nakita niya kung gaano ito binago ng pakikipaghiwalay niya. Hirap na siyang magtiwala at... ayaw niyang saktan pa nila ang isa’t isa.
Dahan-dahan siyang tumayo at tinungo ang kanyang higaan bago pabagsak na inihiga ang kanyang katawan sa ibabaw niyon. Ramdam niya ang paninik
