PAGE 20
You're hired
*************
LAST DAY ko na. Haist. Nakatapos na naman ako nang isang kontrata. Hindi na naman natupad ang pangarap ko na maging regular. Haist. Buntung hininga uli.
Makakahanap pa kaya ako ng stable na work?
"Bethel?"
Agad akong napalingon nang marinig ang boses na iyon. Ngumiti ako ng makita itong papalapit.
Si Rowen. Sinadya ko na maagang pumasok ngayon para makausap siya. Pumihit ako paharap nang husto na siyang nakalapit. Nandito kami sa may garden lounge at walang tao maliban sa ilang dumadaan sa floor at sa amin.
"Hi, Rowen. Naistorbo ba kita?"
"Nope." Iling niya at ngumiti. "Okay lang. Wala pa naman akong masyadong ginagawa."
"Okay." Tango ko at bahadyang napayuko ng ulo. Medyo nag-init ang pisngi ko kaya itinago ko.
"Bakit Bethel?" Nagtatakang tono
