“Uhmm love, kung ayaw mong paistorbo sa pagtulog doon na lang ako sa guest room matutulog. Mas makakapagpahinga ka kasi kung doon ako mag-stay,” nakangiting wika niya dito.
Kunot noo namang napatingin ito sa kanya.
Gabi na niyon at dinner time na. Ito ang nag-volunteer na magluto para sa hapunan. Ewan ba niya feeling lang yata niya ay bumabawi ito sa kasalanang nagawa nito sa kanya kagabi.
Kasi simula ng magkape sila kaninang hapon, napaka-maingat na naman nito. Maalaga na naman sa kanya at napaka-sweet. Syempre masaya naman siya dahil sa pagbawi nito sa kasalanan kaya lang hindi pa rin niya maiwasang di makapag-isip dahil paiba-iba ito ng mood.
“Love, sa ibang room ka matutulog? Paano naman ako, iiwan mo akong mag-isa doon? Mag-asawa tayo hindi ba, kaya dapat sa iisang room tayo n
