Matapos niyang maiayos ang lahat ng mga pagkain na nakakalat sa lamesa, nagpasya siyang ilagay na iyon sa kanya-kanyang lagayan tsaka niya inilagay sa freezer.
Nais sana niyang magtungo sa kanilang silid ng kanyang asawa dahil batid naman niya na nandoon ito. Pero naiilang pa rin siya lalo pa at hindi pa rin naman siya nito kinikibo.
Kanina nagtungo lamang ito sa kusina para kumuha ng maiinom na tubig hindi lang siya nito pinansin. Pero pansin din naman niya na tiningnan siya nito at ang kanyang ginagawa.
Sa mga mata nito ay mababanaag na tila ba nais nitong magtanong at tila ba nais nitong tumulong sa ginagawa niya kaya lang siguro naiilang. Kagaya nga ng sinabi ni Recca kanina ay nahihiya daw ito sa kanya ng husto dahil nga sa nangyari kagabi.
Siguro sobrang nahihiya talaga ito,
