Chapter 54
Alexander
Hindi ko alam kung ano ang dapat kong gawin nang makita ko na umiiyak ang asawa ko habang nakayakap siya sa kaniyang ina.
Hindi ko alam kung hahawakan ko siya at yayakapin upang patatahanin.
“Mama, hindi po ako nagtatampo sa inyo. Sorry kung hindi ako kaagad nakabalik. Huwag ka mag-alala, Mama. Hindi na po ako aalis sa tabi ninyo,’’ sabi ni Eunice sa kaniyang ina.
Kumalas ng yakap si Mama kay Eunice at lumingon sa akin at ngumiti. “Narinig mo iyon, Joselito? Hindi na nagtatampo ang anak natin.”
Hindi ako nakaimik sa kinatatayuan ko. Muli siyang bumaling kay Eunice. “Sorry, anak kung binigay ko ang kuwentas mo. Hahanapin ka naman ni Popoy kahit wala iyon, ‘di ba, Joselito?’’ baling ni Mama sa akin. Parang pinupunit ang dibdib ko dahil nakikita ko na nahihirapan a
