"SAB?" Napalingon ako sa boses na iyon at unti-unti siyang lumapit sa akin.
"Hanna," tipid na sabi ko.
Anong ginagawa niya rito?
Sandali pang nagtama ang tingin namin bago pa siya muling nagsalita, "Nagpacheck-up ako, e.." aniya at magtatanong pa lang sana ako nang magsalita siyang muli, "Sab, may kailangan kang malaman." Napakunot ang noo ko sa sinabi niya. Gusto ko sanang isipin na binisita niya ako subalit natigil ang pag-iisip ko sa sumunod na sinabi niya, "B-buntis ako."
Nanginginig ang kaniyang mga labi at ang kaniyang luha ay nasisiguro kong nagbabadyang pumatak. Wari ang galit na nararamdaman ko para sa kaniya ay parang nadagdagan ng kaba at maraming katanungan.
"Bakit mo sinasabi sa akin 'yan?" wala sa sariling tanong ko.
Napalingon ako nang hawakan niya ako sa aking magka
