Pareho kaming napapitlag ni Xell nang may marinig kaming katok mula sa labas ng bintana na kaniyang sasakyan. Kaagad akong napaayos ng upo at binuksan ang pinto. Nauna na rin akong bumaba.
"Beau," saad ko pa at pilit na pinapakalma ang aking sarili.
Shit! Bakit ba pumayag akong halikan ni Xell?!
Isinara ko ang pinto at sinuri kung tinted windows ba ang sasakyan. Nakahinga ako nang maluwag nang "yes" ang sagot na aking nakuha.
Wait... Eh, ano naman kung makita nila kami sa gano'ng moment ni Xell? Anong masama? Pareho naman kaming single, right? Wala namang magagalit.
"Saan kayo nanggaling?" Ang masungit na boses na iyon ang siyang nagpabalik ng aking diwa sa aking katawan.
Mukhang may magagalit pala.
"Ah, sa Trinity Lake," sagot ko naman.
Tuluyan na ring nakababa si Xell at hi
