CHAPTER 36
ISINAKDAL KO SI SIR
JOEMAR ANCHETA
Pinagbigyan ko siya. Umusog ako na hindi ako tumitingin sa kanya.
“Natakot ka ba? Nagulat?” tumawa ang gago. Hindi siya nakakatuwa.
Huminga lang ako ng malalim.
“Kilala ba kita?” tanong niya sa akin. Tinitigan niya ako. “Mukha kasing pamilyar ka e.”
Umiling ako na para bang ako mismo hindi ko siya kilala.
Alam kong hindi na niya agad ako makikilala dahil sa laki ng ipinagbago ng hitsura ko. Hindi na ako yung dating malinis tignan. Mahaba-haba na ang buhok ko, may mahabang balbas at bigote, lumaki ang katawan. Malayo sa school teacher na hinuli at pinaratangang nanggahasa.
“Alexis, pare. Alexis Casiano.” Hindi ko napaghandaan na magpakilala
