CHAPTER 35
ISINAKDAL KO SI SIR
JOEMAR ANCHETA
Kung kailan nasa mismong oras at lugar na kami kung saan ko papatayin ang target ay saka naman ako napapaisip kung kaya ko nga bang kumitil ng buhay na wala naman talaga direktang kasalanan sa akin. Alam ko namang masamang d**o ang ililigpit ko pero bakit parang ang hirap kumbinsihin ang aking sarili? Pumikit ako. Inisip kong trabaho lang ito. Kailangan kong gawin ito. Kailangan talagang may maisakripisyong buhay para makamit ko ang hangarin kong makapaghiganti.
Sa mismong malapit sa opisina ni Commisionner ng BIR kami nag-abang. Isang puting Fortuner na sasakyan ang sinabi sa amin na sasakyan ng target. Ang bilin sa akin ni Tang Frank, pagkababang-pagkababa ng Commissioner sa kanyang sasakyan ay saka ko siya pup
