CHAPTER 50
ISINAKDAL KO SI SIR
JOEMAR ANCHETA
“Karen, Eldrin, ano ‘to? Setup ba’to? Seryoso kayo?”
“Alam ko na ang plano mo. Sa tingin mo, hahayaan kitang patayin si Papa? Sa tingin mo, mas malapot ang tubig sa dugo? Nagkakamali ka ng akala, Neil. Hindi lahat ng pagkakataon ay sa’yo. Hindi lahat ng tao ay masisilaw ng pera mo!” singhal ni Eldrin. Dinig ko ang pagkasa niya ng kanyang baril.
“Ikaw ang nag-set up sa akin? Karen, binayaran ko ang serbisyo mo.”
“Oo, binayaran mo ako. Paano naman ang buhay ko? Aanhin ko naman ang pera mo kung ipapapatay ako ng mga kalaban mo rito sa labas. Mabuti nang maunahan ka, mabuti nang kakampi ako sa mas makapangyarihan na malayang nakakagala kaysa sa oo nga’t bayad ako pero hindi mo na
