Chapter 53: Impyerno
"Malalim pa ba?" Rinig kong tanong ni Angel.
"Hindi ko alam, parang ganoon na nga siguro." Si Anthony. Nanghihina na rin siya. Kung meron mang hinang-hina sa amin ay ako ayon. Pangalawa na roon si Mark. Madalang ko lang siyang naririnig na nagsasalita.
"Kapag nagtagal pa tayong apat rito ay mamatay na tayo. Mukhang iniwan na nga tila tayo sa silid na ito."
"Huwag tayong mawalan ng pag-asa."
Hangang-hanga rin ako kay Angel. Nagagawa pa rin niyang palakasin ang aming loob.
Nanatiling nakikinig ako sa kanilang usapan nang bigla na namang sumakit ang aking ulo. Bumabalik ang aking isipan sa nakaraan. At kung paano kami napunta rito.
"Angel." Sambit ko sa pangalan ng dalaga.
"Gab? May nararamdaman ka ba?" Mabilis niya akong niyakap.
"Tila nakalutang ako."
