طاقة تحمل

البارت الثاني

طاقة تحمُل

الكاتبة ؛ العباديه

البارت//2//

بيج القصه في فيسبوك ؛ قصص الكاتبة العباديه

طاقة تحمُل

الكاتبة ؛ العباديه

البارت//1//

بيج القصص في فيسبوك ؛ قصص الكاتبة العباديه

كاعده اقري بأخويه الصغير والغرفه هوسة والكتب متناثره بكل مكان كأنما عبوه مفجوره بوسط الغرفه .. ادرس بيه وهو كل شويه يگلي" زهراء من اطلع للشارع خل العب بالباسكل" اتذمر واعيط بيه يركز وياي ويخاف مني اشرحله شويه ويرجع يسألني تخبلت ظليت اقنع بيه من يكمل دروسه العبه.واخليه يسوي اليريده ..

دخلت علينه هيفاء للغرفه بمداهمه وقوة عبالك جايه تقتحم المكان وتحرره من شي غزو او احتلال

هيفاء_ يله زهراء گومي سوي العشا اشوي الدجاج لان عماتج حيتعشون عدنه

هزيت راسي بقبول

_حاضر هسه اجي بس اعزل الغرفه

_لتتأخرين بسرعه

_اي اي

كمت ع السريع لميت الكتب على جهه وانطيت الاذن لعلوش يلعب وهوَ ماصدگ راح يركض للشارع يطارد .

طلعت للمطبخ احضر وجبة العشا لأاشخاص مايطيقونا ..

اسمي زهراء عمري 22 سنه عيوني لون اخضر يجذب الناظرين ويسر رؤياهم جسمي وسط راضيه عنه لاسمينه ولا نحيفه طولي متناسق ويه جسمي ..

من تطلگت ماما للآن شفنا الضيم بأنواعه علوش تبهذل حاله وسرو (سارة) كذٰلك لان چانت حيل متعلقه بماما ف تأثرت على فراقها بقت الحزن مغيم على وجهه عيونهه المليانه دموع توحي ع الـحزن الي تعيشه بداخلهه انقهر من اشوف حالهه عماتي خبيثات ما يوم حملـن تجاهنـا مشاعر حب كله ورة مصالحهن ومن تخلص المصلحه مايصرفنّه بزبان ..

ظليت احضر بالأكل لان عمتي هيفاء كالت يبقون وجبتين يمنه على الغده وعلى العشا هسه خل احضر الغده وبعدين لليل الله كريم .

عماتي( عماتي اربعه) .

ام سجى : مااحبها خبيـثه حيل

وام محمد ؛ حبابة فطـيرة تمـوت عليه واموت عليـهه وعلى نياتهه ماعدها حقد وكـذب وتحبنا اني وساره كلـشش

وام رضا ؛ علاقـتنه مو قوية بيهه متوسطه وممـأذيتني

وانتصار ؛ ممتزوجه وگـاعده على قلبـي

اني لازم اشد حيلي لان حيبدي التنظيف والركض والطبخ رحت شويت الدجاج وحضرت السلطه والمقبلات والطرشي وسـويت السفرة جبيرة حيل ... تفضـلوا ع الاكل الي يكون على ميز كبير يتوسط الصالة المساحتهـه تقريبا 50 متر مخصـصه للطـعام فـقط

الكل اجتمع بس اني وسارة وعلوش محد نادى اسمائنه انقهرت وحزت بداخلي محد ذكرنه واني طول النهار كاعده احضر ..

اخذتـهم للمـطبخ ناكل والدمعه بعيونه محاسبينه بشر قسـمت الغدا وبقو علوش وسارة ياكلون واني صافنه علـيهم

سارة...زهورة ليش متاكـلين

زهراء...مااشتهي

سارة...چـا اني هم مااشتهي

زهراء...لا ياعيني لتسوين هيج لاعلوش يشـوفج ويقلدج

علوش...مااكل اذا متاكلون اثنينكم

زهراء..فتحتي باب علـيه

سارة...يلا حبابة اكلي

زهراء.. مااشـي ....

اكل واللگمه واكفه متتحرك بقيت اكذب على نفسي واكـل علمود اخواني مينخرمون من الغده .

حسيت خيال احد ورايه التفتت واشـوف محمد ابن عمتي ام محمد

فد واحد غثه وعصبي ناار ميتحاچه والبنات تتراكض وراه من نزاكته واناقته خصوصاً شعرة المرفوع ومثبت بجل مزيد مـنظره جمال وجـسمه المربوع بقميصه الاسود وبنطـرونه الاسود ضايف هيبه .

بس عطره كارثه اويلي العطر سـابع جار يشـتمه وساعته بأيده ضايفه اناقـه لشخصيته الدقيقه .. حواجـبه ثخان وعيونه تجدح ليل ونهار عصبي ماشاء الله ..

من انتبهلي شفته سلم بدون ميباوع لوجهي

محمد... السلام عليكم

رديت بعنتكه ورفعة خشم

زهراء.. هلا.

من اشوفه ابقى اثگل عليه لان هو ميتحاچى مااحب اتلـوگ مثل بنات عماتي.

محمد... ليش كاعـدين هنا !!؟

زهراء.. متشوف دنتـغده

محمد... اي اعرف بس ليش هنا وصـالة الطعام وين ؟

زهراء.. صالـة الطعام متشـملنا اني واخواني

محمد.. شنو هذا الكـلام ؟

زهراء.. محاچيه من جيـبي اني كله حقائق

محمد... گوموا اكلوا هناك ميصير هنا كاعـدين

زهراء.. لاعيني منـريد شكراً

محمد.. دگوموا گوموا

نترت بـيـه

زهراء.. منريد هيه گـوة

خنزر عيونه عليه ووجهه تحول لعصبي نظراته يبثن شرار وعصبيه لان خالفت امره وماكمت خزرني بتوعد وراح..

ربع ساعة زمـن واجتي بيبي گومتـنه.. گتلهه مااريد لحت هواي واخذت سارة وعلوش اني گتلهه ابقى الم المواعين لميـت المواعين وركبت الشاي ع النار ووگفت اغـسل بالاستكاين بالسنـك شويه وسمعت صـوته وراي

محمد... شكد ع**ده لخاطر الله

التفتت مستهزأه

زهراء.. هـه اعجبك بالعـناد

محمد.. بس مو ويه محمد يمشي العناد

رديت من وره خشمي ونظرات انتصار بوجهي

زهراء.. مشـيته لو لا ؟

خزرني بنظرة خلاني اخاف منه تلافيت خوف نظراته الغاضبه وبسرعه كتله

_التغسيل مو هنا المغسـلة برة وغسل

_امشي ورة اليعجبني

ونيت بعدم رضا

_اممممم

دائما اذا معندي كلام اگول اممـمم وهـذٰا نوع من الهزيمه طبعاً

سويتله مجال غسل من يريد يطلع ابتعدت شويه عنه ماحسيت الا ميّل جسمه عليه وطخني بمتني فتحت عيوني على وسعهن ورفعت حاجبي .. اندار عليه يعتذر !!

يسوي نفسه مشافني وهو بالاصل بعيد عني بس من وصل يمي تقرب وطخني بمتني !! زفرت نفسي بعصبيه وسكتت لان مابيه حيل مشاكل .

اجتمعوا الاعمام يسولفون وانـي اخذت اخواني ودخلنا الغرف*نه الي جدرانها على وشك السقوط والرطوبة صاعده للجدار وبالشتا تصل علينا من البرد وبالصيف موت حر والسقف كله وصل مال بيض يريد يوگع ..

رجعت لعلوش وقريته تحاضيره وكعدنا اني وسارة نسولف كالعاده يوميه بليل كل همـومي احچيهم الهه لمـا تدوخ وتنام واني كـذٰلـك بقينا نسولف واندگ الباب گلت تفضل انفتح الباب ودخل محمد !

_هلو بنات

سارة ... هلو حـمودي شلونك شخبارك

خزرتهه رافعه حاجبي شنو هالعلاقه المتطوره حمودي وكذا .. باوعتلي وضحكت بس مابينتهه خلو درب التغليسه. .

بعد السلام كال :- بنات جبتلكم ذني الحبكشلات من تسولفون تسـلوّا بيهن

سارة... شنو هل زحـمه

محمد... لا ماكو زحمه

بقيت ساكته وهو يباوع عليه ويحمحم يريدني احچي واتشكره بس ماحچيت وخابت ضنونه .

ماعبرهه رأساً مال راسه عليه ضحك وكـال :-

_ احمم ...العفو

تفشلت درت وجهي عنه وبقـيت سـاكته لان قصفنـي كال محتاجين شـي گالتله ساره ..سلامتك..

اتطمن عليـنه وراح ..

استمرت الأيام نفس الروتين والشغل لما بيوم جاي ابدل اريد اطلع للدوام

(اداوم صف ثالث متوسط عمري بذاك الوقت عمري 17 سنه ) ..

سمعت سارة تصرخ بعـلـو صوتهه .. طلعت اركض خفت على اختي كلشي ولاهيه لگيتهه بغرفة بابا وتصرخ دخلت عليهم اريد افتهم شنو الموضوع سمعت اخـر كلمه من كلامهه

سارة... اذا تتزوج والحُسيـن انتحر !!

شهگت وركضت حضنتها طلعتهه من غرفة بابا وبقيت اهدي بيهه تبجـي بهستـيريا وصوت عالي الـكل يسـمعه بقيت اسـتفسر منهه وخايفه عليـهه حيل وهيَ تشهگ وتبجي ماسكتت ابدد ..

------------------------------------------------

سارة

بيوم كاعده اقرة علمـود التقوية السـنه الجايه من ارجع اكون شاطرة وقوية بكل الدروس سمعت صوت بيبي من غرفة بابا البيت فارغ وزهراء اعتقدت بالدوام وهمه ظنوا البيت فارغ ونسـوني بقوا يسولفون اسمع صوت بيبي كل شوية يرتفع لما حطيت اذني ع الباب حيل اتسـمع. سمعت بابا يريد يتـزوج !! وبيبي متقبل !! خليت بيبي تطلع ودخلت عليـه

_ بابا شنو هذا الحچي ؟

كاظم... شنو شكو ؟

_ انت جاوب لاتسأل ... سمعت تريد تتزوج صدگ؟

احچي و اني ارجف من الحرگه اريد اموت من القهر على ماما الي دمر حياتهه بسبـب نسوانه

كاظم... اي اريد اتزوج وشبـيهه ؟؟

_ شنوووو ؟؟ تتزوج !!! وماما ؟؟

كاظم... شـبيهه امج؟

ارتفع صوتي بالنقاش وصرت اعيط بكل قوتي

_ ماما الي تركتهه علمود صاحباتك وخليت حياتنه تتدمر وبيتنه ين*دم علمود كم وحده ميسووون اظفر واحد من مـاما ربتنه وتعبت علينه وانت متعرف بحالنه شناكل وشنشرب بس حاضر تاكل وتخابر وملابسك جاهزة ومنظرة انيق هذا الهامك..

كملت كلامي وياه وهوَ مانطق بس صافن عليه وشلون اعيط سكتت ورجعت كلت بتهديد

قسماً بالله اذا تريد تتزوح واني بالبيت انتحر.

كاظم... منيلج هالحجي ولجج؟

_ اني كتلك وانتَ شوف منو الي ميطبقه

عيونه نظرات خوف وقلق خاف عليه لان حلفت ويدري بيه اسويهه مخبله مابراسي عقل .. كال :- ماشي مااتزوج هـسه بس من تتزوجين مباشرة اتزوج

_اي اتزوج من اني ماكو شعليه بيك بس هسه اذا تزوج والحسين انتحر !!

دخلت زهراء شهگت وبقت تهدأ بيه جنت بحالة هيستيريا فاقده اعصابي مااعرف نفسي شاحجي وشألخبط ركضت زهراء جابتلي مي شربته وظلت تهدأ بيه وتحجي كلام يطمني انو ميتزوج ارتاحيت شوية وتمددت جسمي تعب من المقاومه ...

يتبع......

عـبـرات الـعـبـادي ??

alabadyia_09