طاقة تحمل

البارت الثالث

طاقة تحمُل

البارت//3/

الكاتبة؛ العباديه

حساب انستا الكاتبه

@alabadyia_09

زهراء

بيوم دامشـي بالشارع راجـعه من الدوام الدنيا ظهر صيف حار بهيـج وقت الناس قليل تواجدها بالشـوارع ف تكون شبـه خاليه مـن الناس امـشي لوحدي لان صديَقاتي اليوم عافوني وصـلهم اقاربهم واني مقبلت اصعد لـكـوني مااثق ببشر مااعرفه اعتذرت منهه ومشيت وحدي ...

امشي مدنگـه ولاحظت حركه غريبه بالشارع وصوت بنات.. بحركة سريعه رفعت راسي واشوف بنات اثنين من صفنا وحده اسمها تقى والخ مااعرفها بس هيه صديقتهه دائمـاً تمشي وياها خلف السيارة وصوت ضحك مسموع تقربت واشوف صدمه كبيرة صعب عقلي يستوعبها

محمد وتقى بوضع محـرج ?

بقيت مصدومه هو رفع راسه شافني وجهه بانت عليه ملامح التوتر وشعره مخـربط !!

اني شفته وركضت بكل قوتي وهو يركض ورايه ويصيح بأسمي بحركه سريعه وصلت لباب بيتنه ودخلت لاگتني سارة تسأل بيه مااكدر احچي فمي سيطر عليه الجفاف مااكدر ابلع ريقي من الصدمه راحت سارة جابـت مـي شربته وهدأ وضعي بقت تسأل بيه وتستجوبني واني ساكته مصدمه !!

سارة... لج زهراء شبيج احجي ليكون شخص أذاج

زهراء؛لا لا مو هيج بعدين اني اسولفلج بس خلي عقلي يستوعب الموقف

سارة؛ماشي انتضرج بالليل

زهراء؛ماشي ....

حضرت الغدا ونصبته گعدنا بصالة الطعام نتغده بعد ماجدو قرر نتغده وياهم يوميه حالنه حالهم وعصب على هيفاء لان تطردنا .. توهم يله تذكرو خطيه .

داكل رفعت راسي اشرب مـي واشوف محمد مقابيلي !! صافن عليه ! بان على ملامحي الارتباك والخوف مااعرف من شنو خايفه !

همست بإذن سارة

: هذا شجابـه؟

سارة؛ ليش شجابـه؟ غير ابن عمتنا

:مانريد يجي لهنا خل يروح

سارة : هو احنه بكيفنه !!؟

: اكرهه اموت منه

سارة... ليش ولج شمسويلج ؟!

: من اسولفلج بالليل شمسويلي تكرهيه من يمج

سارة... الفضول بلش يشتغل 1000

: خلي يشتغل احسن

اجه سلم على الكل وگعد مقابيلي !! اني ترخصت وگمت اغسل شويه وحسيت شخص ورايـه التفتت شفته نزيت ورجعت لوره تقرب يريد يحجي وياي اني بحركة سريعه مني طفرت من المغسلة اريد اروح كمش إيدي بقوة ونطق :-

محمد : زهراء اوگفي اريد احجي وياج !!

: اترك إيدي

محمد؛بس خمس دقائق من وقتـج

: مااريد احجي ويه اي شخص مااشي

_ هنه كلمتين شتخسرين ؟!!!

_ گتلك مااريد احجي قابل تجربني ؟

فلت ايدي بحركة يأس واني اسحبها منه گال

محمد : مو اني التذلني بـنـت علمود خمس دقائق روحي مااريد اشوف وجهج

: هه ليش منو الگاعد ببيت منو ؟!

محمد : بيت خدامه بيه مو ؟ حتـى ميخلوج تاكلين وياهم !!!

بقيت صافنه يعيرني !!

: هذا بيتي وشمااسوي ف إلي مو لـشخص

محمد ؛ خل ينطوج تقدير يله تتكلميـن بزود !!

انقهرت حيل وعيوني بان بيهه بريق مال دمع

: هذا شي ميخصك ومااسمحلك تدخل مفهووم

- دائماً كلام الحقائق يجرح ويأذي واغلب الناس تتهرب السماع إله وانتي من هالناس

احس روحي كامت تفرفح من القهر اكثر شي اكرهه الذله ودائماً اتلافه الكلام.ومااحب اسمعه لان يأذيني كمت اريد اسكته بأي وسيلة .. مااريد اسمع صوتع مااريد يكمل كلامه اليجرح .. حطيت إيدي على اذني وصرخت

: كااافيييي

ظل يستهزأ ةيقوس بحواجبه مستمتع بمنظري المغلوب امره :-

_ واكرر الحقيقة تجرح

عطت بصوت عالي يرج مسامعه

- اييييي فهمت فهمت كاااافي

خزرني حيل لان رفعت صوتي يريدني اسكت او اقلل من صوتي بس اني زدت وصحت بيه مرة ثانيه رف حواجبه الاثنين تهديد وحط اصبعه الـسبابـه بنص وجهي دليل ع التهديد .. نترر

_ مااسمحلج ترفعين صوتج عليه !

عطت بيه بسرعه :-

_ واني مااسمحلك تدخل بحياتي من تكون انته وتتدخل بحـياتي ؟؟!

_ ابن عمتج وابن عمج بنفس الوقت ماشي واسمي محمد اذا متعرفيه وغصبا عـليج وبكل زود احجي

هدأت نفسي وحولت نبرتي الى استهزاء وبرود

: ايييي احجي بزود اني شعليه تريد تفتح مسرحيه ودراما واني مال خلگك

رفع كف ايده يريد يض*بني على جرأتي !! ودخل كرار

كرار ؛ اخو محمد الصغير

(كرار ونظراته لسارة توحي انو يحبهه من الطفولة هذا الاحساس عايش وياي اعرف يحبهه نظراته تلاحقهه وين متروح يغار منهه من نسـمة الهوى بس هيه مدتحس بحبه واني أحاول اساعده حتى يوصل حبه لقلبـهـا لان كرار شخص ميتعوض...)

تدخل بلحظه وعاط بصوت عالي

كرار : محمد شدتسوي ؟

التفت عليه ورجع خزرني أشرلي بإيده ونزل عيونه عن وجهي بعدما كان مركز بوجهي وعيونه تريد تطفر من مكانهه عاط :-

_ انصرفي من گدامي لااسوي شي ميعجبج

اني اض*ب منه بالعناد كتله بتهديد :-

_آخر مرة اسمحلك ترفع ايدك بوجهي

كرار : زهراء روحي منا

تقدم عليه يريد يهجم وكرار بسرعه لزمه وهذا ظل يدفع بي يريد يجي عليه .. اعترف جنت ميته خوف ارجف اصلاً منه ومن عصبيته زمخ بيه

_ لج منين هذا الحجي غصباً عليج ارفع كفي واض*بج وشنو يعنـي التطول ل**نها لتتوقع مني اقـبّلهـا بجبـينها

رغم.خوفي راددته وماسكتت

_ مـادام بابا وجدو موجود مالك حق تتصرف ويايه..

عود من يمـوت بابا وجدو لاسـامح الله تتصرف انتَ ماشي

كلت اخر كلمه ببرود وجريتهه بمياعه

تخبل من سويت هيج عاط بصوت رج البيت رج خلى الكل يطـلع على صوته

_ لجججج ادبسسسزززز

كرار يحاول يهدأ بيه واني واگفه اباوعله بنفس وكفتي ومكتسيه بغلاف القوه بس داخلي خايف .. كرار صاح بيه :-

_ زهراء فوتي لجوووة

هوَ عاط

_ قسماً بالله اذا ماوخرتي عن وجهي هسه ادزج للنجف جنازة

شفت الجماهير وعماتي شلون يباعن عليه بنظرات خبيثه يتمنن الزلة عليه حتى يلزمنها عليه

خليته واگف عيونه تبث نارر مشتعله مااعرف منين اجتني جرأة احجي وياه هيج !! اني بطبعي ماعندي شي وياه وكلامي قليل بس موقف اليوم أثر بيه !!! خليتهم ومشيت

دخلت للغرفة دموعي بقت تصب لوحدها يمكن من كلامه اليجرح لو من اسلوبة ويايه ممتعوده على اسلوبة ويايه هيج كله احترام ومرات يقصفني كرفصت بالكاع وابجي هم من كلماته السم واحساس الذله يوجع حيل يوجععع .. ظل يلعلع وصوته عصبي ماسكت ابدد .. اسمع جدو يحاول وياه ويهدأ بيه وهوَ نازل عليه غلط .

دخلت عليه سارة حضنتني وتسكت بيه مااگدر اسكت كلامه وشكلي العصبي ونظرته المستهزأه خلتني متزوهره .

بجيت لما لميت خلصت كل البكلبي ارتاحيت شويه شفت علوش مرعوب ومكرفص بالگاع گومته وبوسته طمنتهم عليه ونمت شيشوفوني اسوي يسوون هذا طبع بيهم بس شويه سارة مرات اعقل من علوش لان جبيره بس هذا كلشي ميفهم وشيصير ويايه يتأثر لان بمقام ماما عنده من عاف*نه اني توليت تربيته .

دموعي لازمت فراشي !! قهرني الحقير متوقعته هيج !! ولو هو هيج ويه الكـل بس ويايه جان دائماً حنين بس ميتنازل عن تكبره وهالمرة طلع قهر سنين بـيه لان ولا مرة مرزلني مااحچي وياه ولااراددة بس هسـه انطيته فرصه يتجاوز عليه !!

كعدت الصبح حضرت الريوگ.. وبدلت طلعت للدوام فتحت الباب وشفت سياره بـبـاب بيتنـه ركزت بـيهه هـٰذي سيارته !! ابتسمت اڪيد جاي يعتذر مني لان اول مره هيج يسوي وياي .

اعرف سيارته لان سـوناته لون اسود تلمع على راعيها ولا يوم شفتهه بيهه اوصاخ.

رحت بأتجاهه هو ابتسم حبيت افشله گتله :-

_ ماكو داعي نتنظر من الصبح لان مراح اسامحك لتـعتذر ولتتـعب نفسك !

عگد حاجبه مـستـغرب !

_ منو اليعتـذر ؟؟! اني ؟؟

ضحك بصوت عاالي خلاني متفاجئه !

_ هههههههههههـه عبالج جاي عليج مو ؟؟ ههههههه اصلا جاي علمود صديقتي اوصلها للمدرسه خطيه رجليناتها يأذوها خاف تمشي

وجهي صار ينطي ألوان من الفشله باوعت عليه بنظرات حقد عفته ومشـيت تفشلت تمنيت ادفن نفسي ولاهـالفشله وتكبره عليه

~~~~~~~~~~~~~~~~~~~~~~~~~~~~~~~~

محمد . . .

حان الوقت اعرفكم على نفسي

اسمي محمد عمري 24 شخصيتي هيبه الكل يحترمني متكبر لاقصى درجه منغر بنفسي ومكانتي البنات تركض ورايه واني ماارفض وحده بس ما فديوم وعدت وحده بزواج وخلفت وعدي كلهن يعرفن علاقه عابرة مجرد ونسه

صديقاتي متعددات لـكـٰن بالقلب وحده مستحيل قلبي بيوم ينساها لو يتخلى عنها عشقتها من عمري 10 سنين انتظرها شوكت تكبر واحنه صغار العبهه واشتريلهه وامشيهه .. احطهه على ظهري واطير بيهه اني وياهه كله سويه .

جنت اشيلهه واظل انحثل بيهه من هيَ صغيرة وهيَ تنحب مدنفشه والوجه ابيض گيمر وخدودهه ينفطن دم من ا****ر اباوعلهه مثل اليسقي بـ نـبته ومنتظـر الثمره شوكت تخضر... هيج اني انتظرها ساحـرتني بعيونها الخضر وشـعرها المسدول بسـواده مثل سـواد الليل وجمالها ماشفـته ولا بـوحده من صديقاتي متميز بكل تفاصـيله...

شخصيتي ع الكل قـويه لـكـٰن من اوصل يمـها انسى كبريائي انسـى غروري،، قلبـي ينصاع الهه مو بـإرادتي اعـشق شخصيتها متمـيزة بشخصيتها بثگـلها...

من تشوفني ماتسحل نفسهه ورايه مثل بنات عماتي والبنات الباقـيات حتى مرات انغث لان متعـبرني

اهتم بأدق التفاصيل بيهه اعرف شتـحب وشتكره وشتلـبس وشنو احـساسها وشـنو نظراتها من صغري عايـش وياهه بيتنا قريب يم بيتهم لـكون اعمامي ميريدون اخواتهم يتفرقن عن بيت ابوهن خلصت عمري ببيت جـدي علمودها ...

فاجئتنـي من لطشت بيه تـقى صديقتها وباسـتني من شـفايفي واني هم ماقصرت شاب ومحروم ويقدمون اله طبق من الاكلات الدسمة ظليت اتفنن بكيفي لان هيَ موافقه ومسلمتني نفسهه

رفعت راسي شفتها تخبـلت كلشي ولاتشوفني بهالمنظر تمنيت مدفون ولا هذا الموقف حتى لـو الي نية اخطبها واحتمال قليل توافق لان احسها تكرهـني وتنغث من تشوفني هسه الامل انقطـع من شافت هذا الموقف بقـيت اركض وراهه ركـضت بقوتـهه ودخلت

اجيت وراهه ع الغده رفعت راسها انصدمت وغصت بالاكل بقن يتهـامسن هيه وسارة وترخصت ..

شفتها فرصه احجي وياهه ردت احجـي وياهه متقبل عصبتني حيل بقى كلامـي مثل السكين من ينبت لان مقهور عليهه وطلعـت قهـري بيهه وهيه ماسكتت !ومو طبعها هذا !

رفعت ايدي اض*بها !!واني ولامره بحياتي ضارب مرأه او رافع إيدي على مرأه بس غضـبي خلاني انسى اي شي مقابيـلي لـولا كرار كنـت ض*بتها وهدمت كلـشي بنّـيته من سنيـن ..

صحـت بيـهه بصوت عالي الكل اجه يركـض عبالهم شي صار على احد.. الدمعـه صارت تلمع بعينها مردت قلبـي مااتحملت اشوفها مهزوزه خليـت وطلعت وهي هم راحت تبجـي بغرفتها !

استفزتني حيل ببرودهه ونبرتهه التستهزأ بيه خلتني اغلي .

اللـيل امـتزج بهمـومي وبقـى يواسـي بيه هـو والجـكارة !! صـفنه تجيبنـي وصفنه تاخـذني قررت الصبح اروح إلهه اصالحـهه

بقيت انتظر الـ7 على احـر من الجمر دگـت الـ7 طفرت تـأنقـت بكامل اناقتي وتعطرت من عطري المميز وتوجـهت لبـاب بيتهم من شفـتهه طلعت يله گدرت اتنـفس مثل العطشان وارتـوى بشوفـتها بعباتها وحشـمتها... اجت باتجـاهي واستفزني أسلوبـهه حبيـت افشلها وفشلتـهه وجهـه بقى يبث ناار ونظـرات غّـل وحقد ضحـكت عليـهه

يتبع.....

الـعـبـاديـه