طاقة تحمل

البارت الرابع

طاقة تحمُل

البارت//4//

الكاتبة؛العباديه

بيج فيسبوك؛قصص الكاتبة العباديه

زهراء . . .

فشلني بقيت اتسابق ويه الهوى اريد اوصل للمدرسه مااريد اشوفها هي وياه حسيت بسيارة تمشي خلفي ماالتفتت طبعي ماالتفت خاف يگولون خفيفه بقيت امشي وجسمي يرجف من اخمص القدم لااعلى الرأس سمعت صوته ورايه اطمنت انداريت عليه

: خوف*ني ليش ماتحجي عود

_ههههه هوَ اني اريد اخوفج

خزرته وكملت مشي صاح عليه

_ تعالي اصعدي

: مااريد

_ زهراء مو وقت عناد دتشـوفين الدنيا صبح والشارع فـارغ وانتي بنـت وحدج

اشرت على السـما بأصبعي السبابه

_ربي حافظنـي

_ ونعـم بالله ... بس لازم تاخذين احتياط

عصبت ونترت بي

_محمممدد اذا احد شافني وياك ميگولون ابن عمتهه يگولون صاحبها !!

_ شعليج بالعالم اذا لاسامح الله صار عليج شي العالم يفيدوج ؟

_اي يفيدوني سمعتي اهم .. روح محمد

صاح بعصبيه

_ زهراء تعالي اصعدددي

رديت ببرود

_شكرا

تعصب وخزرني صوته ارتفع ودماراته اتخذت اماكنهه على رقبتـه..

_ قسماً بالله اذا ماصعدتي انزل اشيلج واصعدج غصب كافي جدال وبسرعه نفـذي

شكله جاد ونظراته تحذر بيه ..زفرت نفسي بعصبيه وفتحت الباب صعدت بالسيارة مجبرة لان اعرف اذا حلف بـ

(قسـمـاً بـالله) يسويها

كلنه نعرف هذا القسم مالته دليل على صدق كلامه .

صعدت بالخلف وانطلق بينه للمدرسه ويسولف ويضحك !!! ولاكأنـما البارحه رفع إيده يض*بنـي !! وعركة البارحه نساها !! يسولف واني بالي مو يمه

ڪال

_هسه شتكولين شنو رأيج؟

اني جنت ممنتبهه بشنو يحجي صفنت بوجهه وسألته بفهاوه

_ ها ؟؟

_ صار ساعه احجي وانتي بالج مو يمي !!؟؟

_اي دافكر بيـك شلون تمثل ولاكأنمـا البارحه صاير شي المفروض ينطوك الاوسـكار على هذا التمثيل !

_زهراء رجاءً انسي ليلة البارحه تعرفيني عصبي ومااتحكم بعصبيتي

ف ليلة البارحه اشطـبي عليهه بقـلم احمر من قاموسج

: هه عذراً مااگدر اكثر يوم مااگـدر انساه الساعه بالـ2:45 م يوم الخميس ...،

محمد :-

ركزت بملامحـها اكثر قريت القهـر بعيونها !! ومن تحجي هادئة ومقهـورة !

_ هـه عود گتلج اشطبي عليهـه

_بس گتلك مااگدر اشطب

_ليشش؟

صفنت وجاوبت بـبرود

_اليوم الي رفعت بيه إيدك عليه ماانساه

واليوم الي تجاوزت عليه بيه ماانسـاه جرحت مشاعري واذيتني حيـل وفشلتني مقابيل عماتي

_ بس تعرفيني من اتعصب وانتي استمريتي بالعناد والمـرادد

_ تتعصب ع الكل طبقه بس مو عليه

خزرني واندار عليه وجهه صار قريب بوجهي صفن بوجهي و اخذ نفس عميق وكمل

_باعي ل**نج ماتلزميه شوكت هذا اللسـان طلع !!؟

_ من يوم الي وكعت من عيني بفعلك وموقفك ورة السيارة

وجهه بانت عليه ملامح الغضب بقى يغمض بعيونه ويفتح ويفرك بوجهه يهدأ بنفسه صدمته من كتله هيج .. وقف السيارة وسحب نفس بنفاذ صبر

_ زهراء انتي اول شي لازم تفهمين وبعدين احكمي

_ شفتكم بعيوني يعنـي قابل اكذب عيوني ؟!

_ ماكتلج كذبي عيـونج بس افهمي مني

_ مااريد افهم اي شي

محمد_لگيت نفسي ابررلها وهذا مو طبعي

حجيت وياهه بنظرة ترجي وبررت

_ زهراء هيه الي لزگت بيه وبعدين اني عنـدي صديقات كثير مايوم وعدت وحده بزواج او خطوبة يعرفن علاقة ويستمرن عادي بس تقى هيه اصلاً تحب هيج سوالف وسحبتني واني انصعت الهه لان مستحيل شاب عزابي مثلي يفوت هيج فرصه عليه وانتي تعرفين بجمال تقى !!

زهراء _تمنيت ماحچه اي شي ولاسممني بهذا الكلام لو ساكت افضل نترت بيه

_ كافي سمعت بما فيهِ الكفايه هسه وصلـني مااريد اتناقش بعد

هز راسه.ودنگ .. همس بهدوء

_براحتج

زهراء... وصلني للمدرسه لگينه تقى كالعادة واكفه بالباب مال المدرسة بحجه تشتري تطلع تشوف اصدقائها وتحاجيهم واحياناً تروح وياهم بسيارات !! عاليه وفخمه !!

بس شافته ركضت عليه هو طلع الهه راسه يحاچيها ! من شفتهم دمي احترگ خزرتهم ودخلت فايرة !! مااعرف شصار بيه مااريدها تحاچيه وحدة استغفر الله

خلص الدوام واني بالي مشتت مو يم الدرس ابدد

كملت الدورات وطلعت للبيت مارست روتيني اليومي من طبخ وتنظيف شويه واجتي عمتي هيفاء گالت اليوم خطوبة ضحى

ضحى : اخت محمد صديقـتي كلشش مـن الطفولـه اني وياهه اخـوات بكلشي نتشـارك .

يعني اليوم جنت وياه وبالجذب ماگاللي .!

إنخبصنا لازم نحضر كيك وحلويات علمـود حفلة الخطوبه

سويت حمله حضرت بيهه الكيك والبسبوسه والرفايلو غلفتهم ورحنا نجهز انفسنا

سارة : خاب زهراء شألبس تعبت والله ماكو شي ألبسه

طلعتلهه فستان على ذوقي وشوفتهياه

_ تعالي البسي هذا

سارة : باوعت ع الفستان اسود مموج ب فضي لامع قصير وردن خفيف تور لون اسود وكعب أ**د وسوتلي شعري كعكه وقلادة شعر على شكل بزونه لون اسود وبيهه احمر وردة صغيرة طلعت كلش حلوة

: يلا زهراء بدلي خل نستعجل نروح

_ اني هيج اروح بملابس عادية مو مال حفل ماإلي خلگ

سارة_ شنوووو؟ خطوبة ضحى والمفروض توكفين وياها تروحين بملابس عادية ؟؟!!

_ يااختي مابيه حيل ابدل واني تعرفين طبعي اكره هيج مناسبات احسهاللغـثه فقط

سارة_ بدلي بسرعه هسه اطلعلج فستان

طلعت فستان لون سمائي صاير قطعتين القطعه الاولى مثل التنوره قصيرة كلوشة وبيهه وردة سمائي والقميص متصل بالتنورة بواسطة حمالات قماش كابوي

يعني ملابس مستورة لـكون زهراء تخجل من الملابس الفاضحه

زهراء ...

توجهنا لبيت عمتي وصلنا لرأس الفرع كمية هائلة من الزلم الشيوخ الكبار بالزي التقليدي العربي المتكون من شماغ وعگال وهدم مثل مايسموه اول ماشفت الزلم خفضت رأسي بالارض تحفظاً من سمع الكلام البذيء من بعض الشباب

تقدمت بخطواتي شفت چركز يلمع مو غريب عليه ...

لـكوني مااشوف شي رفعت رأسي وشفته واگف بوسط الزلم بهيبته والـزي العربي عليه ضايف اناقة وجمال مثل الشيوخ اول مانظرته خزرني عود ادنگ مباشرةً دنگت ودخلت للبيت عفت الجيوش المتراكمه خلفي المتكونه من بنات عمامي وبنات عماتي والعشيرة كاملة هههه....

دخلنا للصالة الاعداد من النساء متكومه حول العروس والي تسولف والي تهلهل والي تاخذ غيبه !

سلمت ضحى ع الكل وبقيت اني اخير وحده علمود اخذ راحتي بالسلام من بوس وحضن سلمت عليهه حضنتهه حيل مشتاقتلها لان منزورهم فقط بالمناسبات طلبت اكون يمهه على كرسي العريس بعد مالبسها الحلقة وطلع

كعدت يمهه وبقينا نسولف سلام وعن مشاعرها واحاسيسها من خطيبها كمش إيدها

اجتي سارة طلبت نرقص وگف*نا نرقص رقص عراقي...

اني وسارة محترفين بالرقص لان دائما نطلع ع اليوتيـوب تعليم رقص طبعاً من جانت ماما قبل لتتطلق هسه وقت معندي ادرس مو ارقص !!

سوينا دائرة وبلشنا بالرقص العراقي الاصيل احلى شي سارة رقصها كـلش حلو الكل اخذ وضعيه الاندهاش والتعجب البعض يصور بس ماحچينه على موضوع التصوير لان ماكو احد غريب صورنا بموبايل ضحى رقصنا ولبسنه

خلصوا المعازيم وعمتي ام محمد مقبلت نطلع اذا مانقضي الليله عدهم بيبي وافقت وبقينا

وقررنا نبات عدهم رحنه بدلنه ملابسنا وگفت ع المراية امسح المكياج وضحى تخلع بالبدلة شفتها اشرت لسارة وسارة انطتهه نظرة مال فكرة جيده واشرت بأيدها ...

التفتت عليه بنظرات مضحكه او حيلة استغربت !

طفرن اثنينهن عليه يريدوني البس البدلة !

رفضت رفض قاطع خجلانه

بس ضحى اصرت

ضحى : شبيج ياعيني مراح يطير نصج اذا لبستيهه بس اكحل عيناي بشوفتج وهاي هيه

: لا ميصير بعدني اني ممخطوبة ف ميصير

ضحى _ زهراء خـلي ذكرى حلوه والبسي البدله

سارة _ يله فدوات الج غير اني اختج الحبوبة الي دائماً تحبيها لخاطري البسيها

خليت الاصبع السبابه على فكي عود دافكر وكلت (ممممم) افكر عود

ضحى ... ياا شنو تفكرين والله البسج غصب

: انتقلت العدوى من اخوج (محمد) الچ عدكم كله بالغصب

_هههه اي والله متمشين بس بالغصب

: ههههه يله البسها بس لتبچين

خزرتني وعفست وجهه

ضحى : ذليتيني تره

: اي يله خل البس بس لتضوجين

لبست البدلة باللون الماروني ...نازل على الاكتاف قطع قماش ومن الاسفل كلوشة كبيرة تحتوي ع اللمع الي منطي البدلة منظر مغري وص*رها مابي شغل كثير وانما بعض الخرز النازكه

لبستهه طلعت كلش حلوة بقن ياخذن صور الي

واني اخذت صور سلفيات وأتدلع بالبدله وأفتر .. وبقينا نحشش ونضحك تونسنه حيل ..... گمنا نرگص ونصور والبدلة تفتر ويايه حسيت نفسي سندريلا

ودنسولف .

يتبع .....،

بنات بيكم ديسئلون شلون زهراء تعاركت ويه محمد الخميس ووصلها يوم الجمعه ف احب اوضحلكم نقطه : زهراء داخله دورات عامه بمدرسه اهليه ف تداوم جمعه وسبت

الـعـبـاديـه ??

alabadyia_09