Nagising ako mula sa tama ng sinag ng araw na nagmumula sa labas. Dahan dahan akong bumangon at umupo. Wala sa tabi ko si Tim.
Masakit ang mga kasu-kasuan ko. Napagtanto ko rin na suot ko ang t-shirt ni Tim pero wala akong panloob. Iginala ko ang aking paningin at hinagilap ang panty ko na nasa lapag.
Isinuot ko iyon at panandaliang nanatili sa aking pwesto.
Mariin akong napapikit. Bumigay na naman ako.
Isang halik lamang niya. Isang haplos lang at pag alo sa akin ayon na naman ako.
Isang malalim na paghinga ang ginawa ko bago ko napagdesisyunan na tumayo.Paniguradong si Tim ang naririnig kong nagluluto sa kusina.
Tumambad sa akin ang walang t-shirt na si Tim. Tanging boxers lamang ang suot nito. Magulo rin ang buhok nito na halatang bagong gising. Mabuti na lamang at walang chismos
