Hindi nga ako nagkamali dahil kinabukasan ay marami ng nakikiusisa sa labas ng pintuan ng bahay.
Pagkabukas na pagkabukas ko pa lamang ay bumungad na agad sa akin ang mga maaasim na mukha ng aking kapitbahay.
“Ayan na ayan!”
Nagkanda haba ang mga leeg nito makasilip lamang sa loob ng bahay namin. Halos mapahiga na ako dahil nagsisiksikan sila at gustong makalapit sa pinto para lamang makasilip.
“Nasaan? Hindi ko makita!”
“Oo nga asan na ba?!”
“Teka nga po nakaharang kayo sa daan,” saway ko sakanila.
Para namang walang naririnig ang mga ito dahil mas iniusog pa ang mga katabi para lamang makasilip sa loob dahilan para magkasiksikan na at tuluyan na akong napaupo.
Isang mainit na palad ang naramdaman kong humawak sa aking braso upang alalayan ako sa pag tayo.
Magulo pa ang buhok ni
