❀⊱Madel's POV⊰❀
Nagising ako sa mahinang sikat ng araw na sumisingaw sa kurtina ng kwarto. Medyo mabigat pa rin ang katawan ko, pero hindi na kagaya ng kagabi. Unti-unti kong inunat ang katawan ko, ramdam ko pa rin ang bahagyang panghihina ko, pero at least, mukhang makakakilos na ako nang hindi umiikot ang mundo ko. Tumingin ako sa pinagkainan ko kagabi na nakatulugan ko na kaya hindi ko na nailabas ng silid ko. Pero malinis na ang maliit na bilog na table, at may isang baso ng tubig at may gamot na nakapatong sa lamesa. Tumingin ako sa buong paligid ng silid, wala ng kalat, pati ang damit ko na nakita ko kagabi na nakakalat dito sa sahig ay wala na rin. Nilinis ba niya ang buong silid ko?
Dahan-dahan tuloy akong bumangon, inalis ang kumot na nakabalot pa rin sa akin mula kagabi. Ang p
