ليته احبني ?

الفصل الاول

روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية

******************************************

في ليله بارده جدا تتساقط حبات المطر علي الأرض فنظرت بطلتنا ذات البشره الخمريه والعيون السوداء الواسعه مع أحدي علامات الجمال في خديها لتزينها برقه مع ملامح اقرب للبرائه بسيطه ليست بالجمال الصارخ ولكنها جذابه.... نظرت إليها فشعرت وكأنما حبات المطر هذه تتساقط علي قلبها لتبرد نيران العشق التي لطالما احرقتها لسنوات لتغمض عينيها بابتسامه حزينه مردده...................

" ليته احبني ?"

******************************************

قبل أربعة سنوات ................

سما بنعاس: صباح الخير يا ماما .

فاتن بوجه مبتسم : صباح الخير يا سمايا قومي يا حبيبتي علشان متتاخريش .

سما بضحك: اه والله ياريت النهارده اؤل يوم ليا في المدرسه الثانويه وبيقولوا نظامها متشدد جدا غير الاعدادي..

فاتن بهدوء: أن شاء الله هتكون احلي فتره في حياتك بس قومي صلي ركعتين لله ابدأي يومك بالصلاه علشان يومك يبقي حلو .

سما بابتسامه: حاضر يا ماما بس ليه مصحتنيش اصلي الفجر !!؟

فاتن بندم : والله يا بنتي لما لقيتك رايحه في النوم صعبتي عليا قولت اسيبها ربنا يسامحني بقي ..

سما : متقلقيش أن شاء الله هيسامحك بس ياريت تصحيني حتي لو تعبانه

فاتن : حاضر يا سمايا قومي البسي يلا وانا هحضرلك الفطار علشان تروحي بدري شويه تصحي صحبتك من النوم .

سما بابتسامه: ساره اااه هتغلبني وهي بتصحي يا ماما لاني كنت سهرانه طول الليل بكلمها ومانمتش غير الساعه اتنين بالليل . .... هقوم البس اهو

فاتن: يلا يا سمايا .....

***************************************

في منزل بسيط ولكنه جميل باحدي مدن الشرقيه يستيقظ شاب في مقتبل العمر ببشرته القمحاويه وعينيه العسليتين وشعره الكثيف الاسود وتزينت وجنتيه باحدي علامات الجمال " الغمازات" وهو ينهض بنشاط ليوم جديد بكليته ولكن ما يجعله متحمس ليست الكليه وانما هي محبوبته التي قا**ها في السنه الاؤلي من دراسته وأحبها وهو ينوي خطبتها حينما ينتهي من الدراسه"

نعمه بضيق: متسربع علي ايه يابني طيب كلك لقمه

محمد وهو يضع عطره المفضل: مليش نفس يا حاجه والله لازم الحق المحاضره من اؤلها .

نعمه بحب : ربنا يوفقك يا حبيبي يارب .

محمد وهو يقبل يدها: ادعيلي بقي

نعمه : ربنا يبعد عنك ولاد الحرام يابني ويكتبلك السلامه في طريقك

امجد : كده ياماما هتبعدي عنه كل صحابه وحبايبه هههه

محمد بسخرية: ماشي يا خفيف روح ذاكر بس علشان مش عايزين كحك

امجد بضيق: علي أساس اني بجيب كحك ده انا اشطر واحد فيكم ولا ايه يا حاجه نعمه

نعمه بياس : ربنا يهد*كم لبعض يابني .... واد يا أمجد روح صحي اختك علشان المدرسه بسرعه

أمجد: عز الطلب يا حببييبه قومييييي

نعمه بصدمه: هتفزع البت ياللي ربنا يهدك

حبيبه بصراخ: هو الواحد مش يعرف ينام في البيت ده .

نعمه : قومي يا حبيبه ناسيه انك عندك مدرسه يلا .

حبيبه بضيق : اااه الاعداديه بدأت بقي وهتق*فوني حاضر

******************************************

في منزل ساره*

سما بضجر: كل يوم نفس الموال من اؤل الابتدائيه لعند الثانويه انا اصحي فيها وانتي يا طنط تصحيها وهي ولا هنا

منال بضحك: والله يا بنتي بتحب النوم قد عنيها بت يا ساره قومي صحبتك مستنياكي بقالها ساعه

تستيقظ فتاه بشرتها بيضاء وعيونها عسليه بضيق واضح وهي تزفر بحنق -: حاضر يا ماما قايمه اهو

سما بضيق: يابنتي الثانوي غير الاعدادي ماحدش عارفنا هناك وممكن يزعقولنا

ساره وهي تنظر لها بضيق كالعادة: صباح الخير متقلقيش لسه بدري هقوم البس اهو .

سما بضحك: مش قولتلك هتبصلي بق*ف صحبتي وانا عرفاها ما بتحبش حد يصحيها من النوم ابدا

منال : ربنا يعينك عليها والله لولا انتي بنتي ماكنتش كملت تعليم كانت هتكمل نوم هههههههه

سما بابتسامه: والله لولا هي كمان ما كنت رحت في مكان مااقدرش امشي من غيرها أساسا دي اللي ربنا عوضني بيها.

منال بود: ربنا يخليكم لبعض يا بنتي .

وبعد وقت ليس بقليل خرجت هي بجمالها وأناقتها فصفرت سماء بإعجاب-: قمر وتتاكل اكل يا ناس

ساره بابتسامه: بجد والله حاسه الطقم مش حلو !؟

سما بصدمه: يا شيخه ايه ده اللي مش حلو ده انتي هتتحسدي بلبس المدرسه ده وربنا

ساره بامتنان: شكرا يلا بينا يا سمسمه

******************************************

في كليه العلوم...................

" بعد الانتهاء من المحاضره الاولى خرج هو يبحث عنها بعينه بلهفه وهو يحمل بين يديه هديه لها كالعاده وجدها تاني نحوه بفتور وكانها ملت رؤيتها اما هو فينظر لها دون ملل بل ويحفر ملامحها بعنايه"

محمد بابتسامه: الجميل زعلان ليه حد ضايقك!؟

شريهان بنفي : لا انا ماحدش ضايقني كل ده بتعمل ايه !؟ اتاخرت اؤي

محمد بتبرير: معلش يا حبيبي كنت في المحاضره.... انتي محضرتيش ليه !؟

شريهان بلا مبالاة: مليش مزاج أحضر حاجه

محمد بحب : طيب بصي الهديه دي وهي هتعدلك مزاجك

نظرت له بلهفه فوجدته يهديها خاتم من الفضه وهو يضعه في اصبعها ويتمني بداخله أن يأتي ذالك اليوم الذي يضعه لها يوم خطبتهم"

محمد بترقب: عجبك!؟

شريهان: اكيد عاجبني شكله حلو اؤي بكام ده !؟

محمد بضيق: ماظنش حد بيسأل عن سعر الهديه !

شريهان بتبرير: ماقصدش اللي فهمته بس عادي يعني حصل خير المهم يلا نروح نفطر

محمد : مش هنلحق المحاضره الثانيه هتبدا يلا نحضرها واعزمك علي احلي اكله لاحلي بنت في حياتي

شريهان : طيب بص احضر انت وانا هروح مشوار سريع كده مع صحابي ونبقي نتقابل لما تخلص

محمد: بس يا شيري ماينفعش لازم تحضري محضراتك علشان اعمال السنه . او علي الاقل تنجحي

شريهان بملل: بكره بقي لاني النهارده تعبانه شويه ومليش مزاج لاي حاجه

محمد بقلق : تعبانه مالك قوليلي طب اود*كي للدكتور !؟

شريهان : لا مفيش داعي روح انت بقي علشان مش تتأخر وانا هشوف صحابي .

محمد بضيق : ماشي يا شيري اشوفك لما اخرج سلام

***************************************

في مدرسة الثانوية*

ساره بزهق: ايه اليوم الملل ده المدرسه وحشه اؤي

سما بحزن: كنت راسمه في خيالي حاجه وطلعت حاجه تانيه ده كفايه المدرسين عايزين الحرق استغفر الله العظيم

ساره : المدرسه وحشه من ناحيه المدرسين بس لكن حلوه في حاجات تانيه يلا نشترك في اي نشاط

سما : لما تيجي ورقه الاختيارات بقي يلا نفطر

ساره يضحك : انا مش قادره انسي واحنا في المكروباص لوحدنا من غير ما نروح مع اهلنا فعلا شعور حلو اوي

سما بابتسامه: دي كانت امنيه حياتي والله

ساره : شوفي الصوره دي لما كنا عند عمي .

سما بخوف: يالهوي ازاي تطلعي الفون كده ممكن حد ياخده .

ساره بلا مبالاة: متخافيش احنا في بريك وماحدش هنا

سما : حلوه الصوره اؤي باين علي عمك طيب اؤي

ساره بحب : طبعا هو كل حياتي اصلا بحبه اوي وده ياستي امجد ابنه

سما بهدوء: حسيته شبهك اؤي يا سوسو

ساره : اه ماهو شبهي وكلهم قالو كده طيب شوفي بقي محمد كده وقولي شبهي ولا لا

سما بإعجاب: شكله عاقل وحلو حتي ضحكته حلوه !

ساره بخبث : اظن اني سألتك إذا شبهي ولا لا مش قولتلك توصفيه .

سما بإحراج: احم مش قصدي انا بس باقول رأيي هو شبهك بس انتي بشرتك بيضه وهو اسمراني .

ساره بضحك: ايه يا بت ات**فتي كده ليه مش متعوده عليكي كده اومال فين جعفر صاحبي

سما بحنق : اوعي بقي كده بطلي رخامه خلينا نشوف باقي الصور .

ساره : البريك قرب يخلص واحنا ماكلناش حاجه يلا ناكل ونشوف بقيه الصور واحنا في الدروس

سما : تصدقي الاستاذه بتوعي وحشوني اؤي واحلي حاجه أننا هناخد عند معظمهم .

ساره : اه بس فيه مواد كتير حجزنها ولسه مشوفناش مدرسينها ياتري هيبقوا زي الاعدادي ولا هيدايقونا !؟

سما: مش عارفه المهم شبكه اختك امتي عايزين نفصل فساتين

ساره : اممممم بعد اسبوع كده لو حصل نصيب !

سما بحب : باذن الله اللي فيه الخير يقدمه ربنا يلا نروح نشوف المسجد علشان نصلي الضهر

ساره بتساؤل: هو فيه مسجد هنا !!!؟

سما : اه انا سألت زميلتنا وقالت في الدور اللي تحت .

ساره : طيب يلا بينا ..... الو اااه وصلت خلاص ماشي هستناك .

سما باستغراب: بتعملي ايه .... يلا نصلي

ساره بهدوء: كنت بتكلم في الفون يلا .

******************************************

في كليه العلوم........

" انتهي من محاضراته وظل يبحث بعينيه عليها ولكنه لم يجد ظلها حتي وظل يهاتفها مرارا وتكرارا ولكنها لا تستجيب فغضب وعزم علي العوده الي المنزل دونها "

يحي بضحك: ايه يا صاحبي ماجتش ولا ايه

محمد بضيق: يحي مش ناقصه سخافتك وبعدين ماتتكلمش عنها واسلوب السخريه في كلامك علشان متزعلش مني

يحي بهدوء: نفسي تكون تستحق حبك ده بجد يلا بينا نمشي

محمد : يلا أنا خلصت .... انت عايز حاجه ولا كله تمام

يحي بنفي : لا لا كله تمام يلا بينا

*****************************************

دق جرس الإفراج كما أسمته هي وذهبو الي دروسهم

ساره : اخيرا انا كنت قريت اطق

سما بابتسامه: اخيرا نطلع بقي الفون بتاعي الجديد ونتصور كام صوره علشان نحطهم ستوري

ساره بسخريه: بمنظرنا ده طب اصبري لما نظبط الطرح .

سما : يلا هنظبطها في الحمام بتاع المدرسه

ساره : طيب اسبقيني انتي لما اعمل مكالمه

سما بمشا**ه: مين ده يا سوسو بقيتي بتعملي حاجات من ورايا .... بس المشكله انا عارفه أن انا وانتي ملناش في الحاجات دي فقر زي بعض

ساره بضحك: حقيقي يا بنتي والله بس احنا لسه صغيرين

سما بدلع: اتكلمي عن نفسك انا اكبر منك يا حلوه

ساره : يا سلام علي الكام شهر اللي انتي ق*فاني بيهم

سما: مليش دعوه المهم ااني أكبر يلا حصليني بقي لما تخلصي

ساره بابتسامه: ازيك يا باشا عامل ايه ....

محمد بهدوء : ازيك يا قلب اخوك انا الحمد لله بخير

ساره : مال صوتك هي مزعلاك ولا ايه !!؟

محمد بسخرية: خلاص بقت هي السبب في اي زعل انا فيه

ساره بحزن: لا مش قصدي بس يعني ....

محمد بمشا**ه: عارف يا بت وبعدين انتي عندك حق

ساره بضحك: طيب انت فين مش قولت هتعزمني علي حسابك النهارده بمناسبة اؤل يوم ليا في مدينتك الجميله

محمد : جميله بالستر والله هي دي منظر مدينه المهم ... هتخلصي امتي !؟

ساره : هنخلص دروسنا علي العصر كده انا وصحبتي

محمد باستغراب: صحبتك مين دي !؟

ساره : سما يابني اللي كنت شوفتها في الصوره

محمد بتريقه: هي اسمها سما هههههههه دي ولا حصلت ارض حتي يا بنتي دي شبه واحد صحبي

ساره بضحك: هههههههه بس ياد انت صحبتي

محمد : ماشي يا ستي تحت امر الست سوسو لما تخلصي رني عليا هتلاقيني

ساره بحماس : اشطا يا باشا سلام

*****************************************

وبعد الانتهاء من الدروس التي انهكتهم من اول يوم وأصبحن بحاله يرثي لها "

سما بتعب : اااه يا ضهري خلاص الشنطه قطمت ضهري وطرحتي بقت مخلياني شبه الوليه المطلقه

ساره بانهاك: ومين سمعك يلا نروح نشرب عصير قصب بقي يروق دمنا

سما : بينا يلا .... اصبري لما ادفع فلوس الدرس علشان نسيت

ساره بتذكر : اه صحيح خدي علشان تدفعيلي معاكي لاني مش قادره انزل

سما : ماشي

" أجرت هي إتصال بذالك الذي بمثابه أخيها فهو المقرب لها لياتي بعد دقائق قليله ومازالت سماء واقفه في الطابور تنتظر دورها حتي تدفع االنقود

رحمه : وبعدين يا سماء هنفضل كده كتير

سما بضيق : مالها الاعداديه يعني كنا بندفع الفلوس للمدرس واحنا في كامل نشاطنا بدل المرمطه دي انا بقيت شبه ال

رحمه بمقاطعة: والله شبه المطلقه وبتجري علي عيالها يابنتي انتي جميله بس اهتمي بنفسك شويه كل البنات بقت بتهتم بنفسها انسي مرحله الاعدادي دي راحت

سما : ماهو ماما بتزعل لما اعمل اي حاجه في نفسي بتقولي أنه مافيش احلي من الطبيعة

رحمه بسخرية: هههههههه طبيعه اااه وانا بقولك اعملي عمليه تجميل ده انتي مزه بس اهتمي بنفسك ولفي الطرحه كويس ونسقي لبسك انتي مابقتيش طفله

سما بضجر : أن شاء الله.... واخيرا جه دوري

*****************************************

ساره بضحك: هموووت والله يابني انت ربنا بيوقعك في شويه دكاتره ما يعلم بيها الا ربنا

محمد : طيب ايييه تعالي لما أعزمك علي كريب ٠

ساره : اصبر لما صحبتي تطلع طيب

محمد بضيق: يادي صحبتك يابنتي ما تسيبها تروح

ساره بنفي : تؤتؤ علشان نروح سوا

سما بتعب : خدي الله يخربيتك أنا طلع روحي

" نظرت له سما نظره خاطفه ولكن سرعان ما وضعت عيونها في وجه صديقتها اما هو كان بوجه خالي من التعبير حتي أنه لم يكلف نفسه عناء أن ينظر لها مما أثار بداخلها حزن لا تعلم مص*ره ولم تشعر به قبلا "

سما بهمس : رايحه فين !!!؟

ساره : ابن عمي هيعزمني علي اكل بس ونروح

سماء بمزاح : لحظه هو ده اللي وريتهولي في الصوره ده حلو ياسوسو ....

ساره بضحك: هههههههه شششششش الله يخربيتك هتفضحينا

محمد وهو ينظر لساره: معلش بس هي تقصد مين بكلامها ده

ساره بصدمه : انت سمعت!!!!!!!!!

***************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️

روايتي الجديده ادعموني ?