ليته احبني ?

الفصل الثاني

الفصل الثاني من روايه ليته احبني ?

تأليف وكتابه اسماء صلاح عبد الرؤوف تفاعلوا ?

اي حد مش هيتفاعل هوقف النشر!

****************************************

التفت بغروره الواضح وثباته -: معلش بس هي تقصد مين بكلامها ده

ساره بارتباك: انت سمعت!!!!؟

محمد بجمود : لا ماسمعتش بس واضح اؤي من الهمس والضحك ده أنه الكلام عليا

سما بهمس : علي أساس أنك بصتلي اصلا اوف

محمد : ما بحبش البرطمه تمام !!!!؟

سما بصدمه: ازاي كده ده ما بصليش خالص

ساره بضجر: خلاص بقي يا محمد يلا

" ارتدي نظراته الشمسيه وهو يمشي مع ابنه عمه لم تعلم هي أكان بالفعل يقصد مضايقتها بتجاهله ام هو بالفعل لا يراها أمامه !؟"

سما بحزن: وبعدين يا سما في افكارك دي انتي عايزاه يبصلك ليه من امتي وانتي كده من امتي بتهتمي بالحاجات دي

ساره برجاء: سما هتيجي معايا اسلم علي عمي معلش وهنروح بسرعه

سما بانتباه: هاا بس كده هنتاخر !؟

ساره : متقلقيش والله في ثانيه ....

سما بتعب : ماشي .... اومال فين ابن عمك !؟

ساره بضحك: بيجيب اكل ... بت انا شاكه فيكي لاتكوني معجبه ولا حاجه

سما بتوتر: هاا لا معجبه ايه ازاي تقولي كده انا مليش في الكلام ده

ساره بتعجب: طيب أهدي أهدي يا بنتي بهزر معاكي مالك كده

سما : مفيش حاجه انا بس تعبانه من الدروس

ساره : لو عايزه تروحي روحي طالما تعبانه

سما برفض: لا انا هروح معاكي .....

قطع كلامهم اقترابه منهم فنظرت هي له من بعيد وكأنها تشبع عيناها منه قبل أن يقترب!!! لما لا أراه عن قرب. لما لا يتحدث معي !!!!

سما بصراخ: بس بقي اسكت !!!!!

ساره بخضه: ايه بنتي فيه ايه ... كده هبتدي أقلق عليكي

سما باجهاد: معلش يا ساره انا همشي انا لو فضلت ثانيه هنا مش هيحصل خير ليا

ساره بقلق : طيب استني هوصلك للموقف !

سما : لا لا مفيش داعي انا هاخد توك توك من هنا

محمد : اتاخرت يا سوسو

وضعت هي انظارها ارضا حتي لا تراه "

ساره: لا متاخرتش طيب يا سما اصبري لما يجي لحد هنا

محمد : فيه ايه ومين ده اللي يجي !!؟

ساره : اصل سما تعبانه ولازم تروح ... هتركب توك توك يروحها

محمد بلا مبالاة: اه ماشي ...

" اقترب منها وهمس -: هي ازاي هتركب مواصله زي دي لوحدها !؟

ساره : مش عارفه بقي بس هي تعبانه

سما : اهو فيه واحد جه سلام يا سوسو

ساره : ابقي رني عليا لما تروحي يا سما !؟

سما وهي تضع رأسها علي جانب المواصله وترمي أغراضها بجانبها ....

محمد بضيق: مالها دي كمان !!؟

ساره بهدوء: مالها يا محمد تعبانه ... انت مالك ومالها مش فاهمه

محمد : هيكون مالي يعني ده انا بس مستغرب ازاي شبهه كده !؟

ساره بعدم فهم: شبه مين بالظبط

محمد بمشا**ه: واحد صحبي هههههههه والله بجد

ساره بضحك: هههههههه بس عيب

محمد : خلاص طالما هي روحت بقي اتصلي علي الحاج وقوليلو انك هتباتي معانا ماشي !؟

ساره : ماشي

*******************************************

في الليل ...........

فاتن بقلق: حبيبتي اصحي بقي انتي ماكلتيش حاجه

سما بتعب: مش جايلي نفس يا ماما سيبني انام بقي

فاتن بشك: مالك يا سما من اول ما جيتي وانتي مش طبيعيه عصبيه وماكلتيش ونايمه فيه ايه ده انتي حتي لا ذاكرتي ولا راجعتي قرءان ولا صليتي !

سما بخجل : اصل يا ماما بس اوعديني الكلام يبقي بينا

فاتن بحماس : ايوه كنت عارفه أنه فيه سر واظني عرفته بردو..... وبعدين امتي قولتيلي حاجه وانا قولتها لحد

سما بضيق : فيه واحد قريب ساره شوفته النهارده وحسيت اني اعرفه من زمان يا ماما مش عارفه ليه قلبي دق بالشكل ده من اؤل ما شوفته وبفكر فيه

فاتن بهدوء : وانتي شوفتيه فين يا سما !!؟

سما : كان واقف مع ساره قدام المكان اللي بناخد فيه درس ....

فاتن بعتاب : ومن امتي يا سما بتقفي مع حد ده انتي عمرك ما اتواجدتي في مكان فيه رجاله حتي لو قرايبك

سما بخجل : والله انا ما عارفه عقلي كان فين يا ماما عارفه أنه غلط اللي عملته بس أنا كنت واقفه مع صحبتي

فاتن : صحبتك ولا مش صحبتك ده قريبها هي مش قريبك انتي متعمليش كده تاني يا حبيبتي

سما بحزن: حاضر يا ماما انا أسفه

فاتن بتأكيد: عارفه أنه مكنش قصدك بس بردو عارفه انك مش هتعمليها تاني هقوم اجبلك اكل

سما : لا انا جعانه نوم وفيه بكره مدرسه سيبني والنبي

فاتن : ماشي نامي ..... سما !!!؟

سما بنوم : ايوه يا ماما ؟

فاتن : انا واثقه فيكي ومدياكي الحريه الكامله علشان انتي بنتي وحبيبتي وكل ما ليا... اوعي موت ابوكي يكون كارت ليكي انك تعملي الغلط

سما بابتسامه: حاضر يا ماما متقلقيش ...

" اكتفت هي بابتسامه باهته لها وأغلقت الباب بهدوء فخلعت سما قناع الابتسامه وظهر قناع الحزن وتوالت الدموع علي خديها لتحرق قلبها وتزلزل جسدها أهذا هو الحب مستحيل لم أراه سوي مره واحده لما يحدث هذا لم اتذوق طعم الدموع من بعد موت ابي لما ابكي الان ...!؟

سما ببكاء: يارب انت العالم بحالي دلني الي الطريق الصح انا تايهه يارب

*****************************************

في منزل عبد الوهاب "

عبد الوهاب: منوره يا سوسو والله وحشتينا

ساره بابتسامه: وانت كمان يا بودي والله

عبد الوهاب: يا بكاشه لما انا وحشتك ماجتيش من زمان ليه

ساره : ماهو خلاص بقيت في البلد اهو علشان المدرسه والدروس وهتلاقيني عندك كل يوم

عبد الوهاب: ايوه بقي ....

محمد : سوسو تعالي عايزك في كلمه

ساره : ماشي عن اذنك يا عمو ...

نعمه : مش ينفع كده يا عبد الوهاب ابنك مش صغير

عبد الوهاب: علفكره هو طول عمره شايفها أخته وهي كمان بلاش كلامك اللي ملوش طعم ده

نعمه : ماشي بكره نشوف .

محمد بهدوء: وبس يا ستي ده اللي حصل

ساره بسخرية: المشكله أنه انت بعد ده كله لسه فاكرها بتحبك !!! يابني اصحي بقي وفوق لنفسك

محمد : حتي انتي كمان يا ساره بتقولي كده فكرتك هتفهميني

ساره : انا فاهمه انك بتحبها وعارفه بس هي يا محمد بتستغلك مش بتحبك أو يمكن بتحب انك مهتم بيها والهدايا اللي بتجيبها ليها وكده يعني

محمد بتنهيده حزينه: انا لازم اتقدم لها جايز تكون بتعمل كده علشان خايفه من أهلها

ساره بضحك: هههههههه خايفه اه يابني دي بتخرج معاك في كل حته هتخاف من ايه !!؟ وبعدين معلش انت هتتقدم لها ازاي

محمد : هو ايه اللي ازاي!!! زي ما الناس بتتقدم

ساره : وهتقولهم هناك معلش اصل انا لسه شاب في الكليه وماعملتش شقه ومعيش شبكه وهخطبها بقي لما ربنا يف*جها!!!؟

محمد بحزن: عندك حق بس أنا خايف تضيع مني أو تكون لحد غيري

ساره : لو بتحبك مش هتقبل تكون لحد غيرك ولو نصيبك مش هتضيع منك

محمد : ربنا يخليكي ليا يا سوسو فعلا اختي اللي مجبتهاش امي

ساره بغرور: طبعا يابني انا في الخدمه ....وخدتني انت في كلامك ونسيت اسال علي البت

محمد باستغراب: بت مين !؟

ساره: سما صحبتي .... هيكون مين يعني

محمد :يادي سما دي شبه يحيي والله فكراه!!؟

ساره بضحك: هههههههه شششششش لا تفتح السكه وتسمعني

سما بنوم : الووو مين !!؟؟

ساره: طبعا نايمه طالما قولتي مين طيب بصي في الفون لا يكون حد بيعا**

محمد بهمس : افتحي الصوت ....:

سما : عايزه ايه يا بنتي مصحياني ليه

ساره : انتي كويسه دلوقتي ولا ايه

سما : اه الحمد لله... هتروحي المدرسه بكره !؟

ساره : اه أن شاء الله هقابلك هناك بقي لاني بايته عند بيت خالي

سما بمزاح: عند المزه صح !!!!؟

محمد بهمس : اوباااا المزه ده اناااا صح

ساره بارتباك: دلوقتي صحيتي طيب سلام يا سيمو سلام

محمد بضيق: قفلتي ليه كنت عايز اسمع !

ساره : هي مش تقصدك اصلا

محمد : اومال تقصد مين يعني

ساره : تقصد عمي لاني وريتها صورته قبل كده وبعدين انت مهتم ليه

محمد : يوووه وهو كل ما اقولك حاجه تقوليلي مهتم انتي ناسيه اني في حياتي واحده وكمان حتي لو مش في حياتي عمري ما ابص للبت دي

ساره : ماشي ياخويا قوم نام

******************************************

في صباح يوم جديد. وبعد الانتهاء من المدرسه

سما بابتسامه: ناموسيتك كحلي يا سوسو مش جيتي المدرسه ليه !؟

ساره : عينك وارمه كده ليه يا سما !!؟ انتي معيطه

سما برفض: لا ده علشان نمت كتير والله

ساره بعدم اقتناع-: اممممم ماشي المهم شبكه اختي بكره تعاليلي من الصبح علشان مش ازعلك

سما بسعاده: الف مب**ك ليه قدمتوها كده !!؟ بس كويس والله علشان نطلع من المود اللي احنا فيه

ساره : واحلي حاجه أننا هنغيب بكره من المدرسة

سما : اه ربنا يستر وفاتن توافق بقي

ساره : انا هكلمها متقلقيش المهم هتلبسي ايه ابوس ايدك بلاش لبس الولاد ده خلي فيه شويه انوثه ولو شويه حاجات خفيفه كده يبقي فله

سما بتوتر: والله شكل امي ما هترضي تخليني اخرج من البيت سيبها ب*روفها

ساره بتأكيد: سماااا هتزعلي والله

سما : خلاص انتي ما بتصدقي ماشي يلا علشان نروح الدروس

*****************************************

في كليه العلوم..........

المعيد: برافو يا محمد درجاتك في الميد تشرف عقبال ما تتعين يارب انا متوقعلك مستقبل أفضل باذن الله

محمد بسعاده: شكرا يا دكتور أن شاء الله عند حسن ظنك

يحي : محمد !! عايزك تعالي

محمد : ايه يا سطا هنخرج فين بقي !؟

يحي بحزن: في اي مكان شكلك مبسوط النهارده !

محمد بارتياح: اه الحمد لله الماده اللي كنت خايف منها درجاتها في الميد حلوه ولما قالي بتوقعلك مستقبل أفضل حسيت اني لازم اروح أتقدم بقي ليها واكيد أهلها هيوافقو لما يعرفو اني هتعين معيد

يحي: محمد متستعجلش انت لسه قدامك سنه في الكليه غير دي وماحدش يعرف ايه اللي هيحصل بدل ما تندم ويت**ر قلبك في الاخر

محمد بثقه: ليه يابني انا جايب في السنتين امتياز لسه السنه دي بس وخلاص السنه دي كمان هتعدي بامتياز مش فاضل غير واحده بس وان شاء الله امتياز بردو اخوك دحيح

يحي : ربنا يقدم لك اللي فيه الخير ياخويا عن اذنك

محمد باستغراب: مالك يا يحي مش علي بعضك ليه

يحي بحزن: مافيش المهم شيرهان كانت بتسال عليك

محمد : اه ماهي رنت عليا هروح لها وبعدين اكلمك تمام

يحي بهمس : ربنا يصبرك علي اللي جاي عليك .

******************************************

شريهان: خلاص يا حبيبي سلام بقي

محمد بابتسامه: جايلك بخبر هيفرح قلبك يا شيري .... بس كنتي بتكلمي مين

شريهان بتوتر : ده عمر خطيبي

محمد بضيق: شيري قولتلك كذا مره متحاوليش تثيري غيريتي عليكي علشان بتزعلي في الاخر

شريهان : طيب قولي الخبر الحلو بتاعك

محمد بحب : أن شاء الله هجيب الحاج واتقدملك الأسبوع الجاي

شريهان بصدمه : اييييه تتقدم ازاي مش فاهمه وانت معاك وظيفه اصلا !؟

محمد : لا بس أن شاء الله هتعين معيد في الجامعه انا اجتهدت السنين دي كلها علشانك وهجتهد الباقين بس علي الاقل اخطبك وهشتغل جمب الجامعة علشان اجهز لك احلي مكان نعيش فيه سوا

شريهان بتوتر: بس أنا يعني

محمد بشك: مالك يا شيري من الصبح كده

شريهان : انا اتخطبت يا محمد من زمان وكنت مخبيه عليك

محمد بصدمه : انتي بتقولي ايه !!!!!! انتي مستوعبه اللي بتقوليه يعني

شريهان بدموع مزيفه: اسفه يا محمد عارفه أنه انا ظلمتك بس ده شاب مايترفضش

محمد بهدوء: ربنا يسعدك في حياتك عن اذنك

شريهان: ربنا يرزقك ببنت الحلال يارب

٠٠٠٠ رحل ولم ينبس ببنت شفة أخذ قلبه الذي لم يعلم ايحزن ام يفرح لسعادتها أنها حبيبتي التي سعيت من أجلها هل كتب علي الان**ار!!!

يحي بقلق : مالك يا محمد !؟ انت عرفت

محمد بثبات: انت كنت عارف يا يحي

يحي بحزن: والله لسه عارف النهارده هي اتخطبت لصاحبي وكان بيكلمها من زمان

محمد : ماشي انا هروح لاني تعبان

يحي بصدمه: هتروح !!!انت لازم تحضر امتحان الشفوي

محمد بلا مبالاة: مش عايز احضره سلام

يحي بغضب: الدكتور قال اللي مش هيحضر هيشيله الماده !

محمد : أنا خلاص مبقاش فارق معايا حاجه

يحي : محمد ! مستقبلك المكانه اللي انت نفسك توصلها

محمد بسخرية: انا معنتش مستني حاجه خلاص كله ضاع

" لملم شتات نفسه ورحل تاركاً صديقه وتاركا حلمه فقط أخذ معه قلبه المحطم ليقسم أنه لن يفتح قلبه مجدداً إلى ما يسمي بالحب "

محمد بضيق: الوو بقالك ساعه بترني فيه ايه

ساره بإحراج: اسفه يا محمد أنا بس كنت عايزه أعزمك علي الشبكه وأكد عليك

محمد بهدوء: معلش يا سوسو انا بس كنت مدايق شويه حاضر اكيد لازم احضر عقبالك

ساره : ولا يهمك يا باشا ....

*****************************************

في ليله بارده *

•انها الليله الموعوده هي ليله اللقاء ليله الحب "

سما بضيق: فيه ايه يا ماما بقي حرام عليكي هو انا مش بنت

فاتن بشك : لا بنت يا سما بس مش طبعك ولا اسلوبك ده هو حلو انك لابسه جيبه وبلوزه بس عمرك ما فكرتي تلبسي الالوان دي ولا حتي تحطي حاجه في وشك

سما : وهو الروج ده حاجه يا ماما ده خفيف خالص

فاتن بتنهيده: يا حبيبتي بقي الشفايف الوردي دي ينحط عليها روج انتي حلوه وجميله صدقيني

سما برجاء: والنبي يا ماما اخر مره مش كفايه البهدله اللي ساره بهدلتهالي من الصبح بنشتغل

فاتن: ماشي يا سما لما اشوف اخرتها معاكي ...

*****************************************

في حفله الخطوبه ******

ساره بضحك: هههههههه مين دي يا ولاا صحبتي !!! مستحيل

سما بخجل : بجد يا بت حلوه ولا ايه

ساره : رغم انك مابتهتميش بنفسك بس قمر اؤي ده هيتجنن !

سما : مين ده اللي هيتجنن!!!؟

ساره بخبث : ولا حاجه المهم اقعدي هنا لما اجبلك بيبسي

سما بابتسامه: ماشي مش تنسي الجاتوه

ساره : طفسه مااااشي

" أخرجت هاتفها وإذ بها تلتقط الصور قبل أن تأتي العروس وذهبت الي والده اسراء وظلو يلتقطون الصور"

عبد الوهاب بغمزه: اوبااا ايه المزز الجامده دي يا جماعه

سما بابتسامه: حضرتك تعرفني يا عمو !!!

عبد الوهاب بمشا**ه: لا بس احب اتعرف وبعدين انا كمان عايز اتصور

سما بضحك : هههههههه حاضر حضرتك عم ساره صح

عبد الوهاب: برافو عليكي صح

سما : وانا اسمي سما صاحبتها

عبد الوهاب: بتفهم والله البت ساره دي ايه القمر ده

سما بخجل : شكر ربنا يخليك

محمد بتعب : بابا انت هنا روح كلم عمي عايزك

" القي بكلامته علي والده ورحل دون أن يلتفت لها فحزنت هي وجلست متضايقه يبدو أنه لن ينظر لها ابدا ولكن خالف تواقعتها هذه المره!!!!

" التفت هو وكأنه يتحقق من شئ رأه فنظر إليها ونظرت هي وتلاقت عينيه العسليتين مع عيونها السوداء البريئة ليسقط قلبها من مكانه وينتفض كيانها وهو ينظر لا يمل ابدا من النظر إليها وكأنه مغيب وسكتت الاصوات فجأة من حولها وحوله ولم يسمع أحدا منهم شي ولم يروا حسنا ماذا نسمي هذا هل هو الحب من النظره الاولى لا حب مجدداً لا نفض نفسه بسرعه من تلك التخيلات وأما هي فخجلت كثيرا ولم تدري بنفسها "

سما بخجل : يالهويي ده بصلي هو ليه بصلي كده وبعدين انا كمان!!!! عيب يا سما لو حد شافك يقول عليكي ايه

ساره : يابنتي مالك بقي سرحانه في ايه !!!؟

سما بسعاده : بصلي يا سوسو

ساره باستغراب: مين ده اللي بصلك!!!!!

سما بتوتر : هااا مفيش انا هروح اروح

ساره : تروحي ايه يا بنتي لسه بدري حرام عليكي ده لسه اختي ماجتش

سما : خلاص هروح اي مكان تاني

ساره : تعالي هدخلك جوا في الاوضه لما تيجي شكلك م**وفه

" دخلت هي في الغرفه وأغلقت عليها وظلت تتراقص كالمجنونه مهلا لما انتي سعيده هل احببتيه من مجرد لقااااء!!!؟؟

سما بابتسامه: انا مالي مبسوطه كده ليه هيييه اخيرا بصلي

..... هو مين ده اللي بصلك

سما بصدمه : انت!!!!!!!!!!!!!!!

******************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️