ليته احبني ?

الفصل الثالث

الفصل الثالث من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️

*****************************************

سما بصدمه: انتتتت!!!!!!!!

محمد بجمود: اه انا خير مين ده اللي بصلك !؟

سما بإحراج: ماحدش دي اغنيه بغنيها. ....

محمد بسخرية: انا قولت كده بردو اصل مستحيل حد يبصلك يعني يابنتي ده انتي شبه واحد صاحبي

سما بدموع: انت باي حق تكلمني كده !!!! فاكر نفسك ايه هااا

محمد : امسحي دموعك يا حلوه واغسلي مخك وبلاش الحركات دي عليا انا

سما بغضب ودموع: هتوقع ايه من واحد زيك يعني !

محمد بابتسامه مستفزه: ايوه انا بقي مش عايزك تتوقعي حاجه مني تمام سلام يا صاحبي

" تركها وخرج بينما هي أطلقت العنان لدموعها أن تحرق خديها علي ما بدر منه من سخريه و**ره قلبها"

سما بوعيد: ماشي يا محمد اما وريتك مبقاش انا سما العقيد

ساره : مالك يا سما بتعيطي ليه !؟

سما بتعب : معلش يا ساره لازم امشي لاني فعلا تعبانه

ساره : ماشي تعالي انزلك تحت طيب

" أمسكت بيدها وهي تعرف أن صديقتها بها خطب ما لا محاله ولكن تخفي عليها وأثناء سيرهم إذا بها تنظر إليه فتجده يلاطف أحدي اصدقائها فتحزن في نفسها علي ما يحدث معها فهل هذا الحب !!!!؟

ساره: مش تنسي بقي ترني عليا زي كل مره

سما : ماشي

*****************************************

في الحفل.

عبد الوهاب: صحبتك مشيت ليه !!؟

ساره بهدوء: علشان تعبانه شويه معلش

عبد الوهاب:طيب ماخلتيش حد يروح معاها ليه من الولاد

ساره : بيتها قريب من هنا متقلقوش

محمد بمكر : بقولك هي تعبانه بجد ولا بتقولي كده

ساره بعدم فهم: قصدك إيه!!!!

محمد : ها لا ولا حاجه بس بقولك فيه حاجات هنا تفتح النفس

ساره بضحك: ارحم ياخي انت مش معاك واحده

محمد بحزن: خلاص بقي ماعدش فيه واحده ولا اتنين

ساره بصدمه: ليه ايه اللي حصل انت كنت بتحبها اؤي

محمد : مش شرط علشان بحبها يبقي هي تحبني هي خلاص راحت لصاحب نصيبها واللي حصل حصل قفلي علي الموضوع زي ما انا قفلت عليه

ساره : ولا تزعل نفسك اجيبلك الاحسن منها ميه مره

محمد بضيق: مين بقي اوعي تقوليلي ام شنب دي

ساره : لا اللي انت كنت بتعا** فيها من شويه

محمد : مش بطاله بردو هههههههه عيب يا سوسو مش انا اللي اعشم بنات الناس

ساره بنظره ذات مغزى: امممممم براحتك بقي بينا علي الحفله علشان اختي مش تزعلك

" مرت أجواء الحفله بسلام ماعدا هو الذي يفكر بتلك الفتاة التي شعر من عينيها شيئا غريبا لما كانت تنظر إلي هكذا والاهم من هذا لما فعلت بها هكذا ليس من طبعي هذا هل لاثبت لها أو لاثبت لنفسي "

محمد بتنهيده: باين عليك اتهبلت يا محمد !!!

********************************************

في منزل سما............

فاتن بصدمه : يابنتي اهدي وشك هيلتهب حرام عليكي

سما وهي تزيل اللمسات البسيطة من وجهها بعصبية وبكاء-: ماما هو انا ليه مش حلوه وليه ماحدش بيبصلي

فاتن : يا قلبي ليه بتقولي كده ده كلهم عينهم منك ده انا بخاف عليكي منهم وكمان احنا كل يوم عندنا عريس

سما بدموع: بس أنا مش عايزه دول يا ماما .

فاتن: احكيلي يا سما فيكي ايه من غير عياط واعرفي اني هفهمك والله

سما بحزن: انا مش عارفه مالي مش عارفه ايه الي بيحصل انا من وقت ما شوفته وانا حالي اتلخبط مابقتش عارفه افرق بين الصح والغلط والاهم ده كله انا بعمل كل ده ليييه لييييه انا ماشوفتوش غير مره واحده او اتنين

فاتن بهدوء: حبيتيه يا سما !!!!

سما بنفي : لا لا مش حبيته اللي ذي ده مايعرفش معني الحب وانا اكيد معجبه بيه والموضوع هيروح لحاله .

فاتن: لو معيطتيش كنت هقول غير كده بس للاسف يا سما مافيش حاجه اسمها حب وان الشباب كلهم بييقي ليهم حركات كده علشان يوقعوا البنت وهي علشان غلبانه وبتحبه فا بتصدق

سما بتعب: بس هو ما عملش حاجه يا ماماااا انا اللي من الاؤل اعجبت بيه ومش عارفه ايه اللي حصل بعد كده وانا حاسه احاسيس غريبه اول مره تحصلي

فاتن بحزم : يبقي لازم تقلعيها من قلبك قبل ما تكبر وتقضي عليكي الحب بيهين صاحبه يا سما وخصوصا لو من طرف واحد

سما بتفكير: عندك حق والله يا أمي ما عنت حتي هتواجد في مكان هو فيه

فاتن وهي تحتضنها: نامي يا حبيبتي ربنا يبعد عنك ولاد الحرام.....

******************************************

في الصباح.........

المعيد: انا اسف يا محمد بس كده ضاعت خلاص وضاع الإمتياز وللاسف مش هتتعين

محمد بلا مبالاة: قال يعني حد بيلاقي شغل سواء جاب الامتياز أو لا

المعيد باستغراب: مالك فيك ايه ده مش محمد اللي اعرفه ده انت لو نقصت درجه كنت بتقوم الدنيا وتقعدها

محمد : خلاص بقي كله راح واللي يروح ماتدورش عليه

المعيد: غلط طبعا اللي راح بيجي غيره وبيكون احلي خليك فاكر أن ربنا بيد*ك اللي انت محتاجه مش اللي انت عايزه ارجع اسعي تاني لعل الله يحدث بعد ذلك أمرا

محمد بهدوء: ونعم بالله يا دكتور انت فعلا نعم الصاحب ليا

المعيد: ربنا يعلم غلاوتك عندي علشان كده عايزك تشد شويه وربنا يعوض عليك أن شاء الله

محمد : أن شاء الله

" لملم اغراضه وذهب إلى الكافيتيريا الخاصة بالجامعة وإذ به يجدها هناك هي وخطيبها في وضع تمني هو أن يكون مكانه"

شريهان بدلع: تعالي اعرفك علي زميلي يا وائل

" كان يشرب قهوته المفضلة ويعبث بهاتفه وإذ برائحتها تتخلل أنفاسه "

شريهان: ازيك يا محمد ده وائل خطيبي وده محمد يا وائل كان بينجحني كل ترم وبيذاكرلي

وائل: صاحبي اهلا بيك شاكرين افضالك والله

محمد بثبات: الانسه شريهان هي اللي حساسه شويه انا كنت بعمل كده مع كل الطلبه

شريهان بإحراج: متبقاش متواضع يا محمد

وائل: علي العموم تشرفت بيك ...

محمد: الشرف ليا انا ........

" رحلو بينما ضحك هو بسخرية علي حب حياته التي خدعته وأصبحت خطيبه رجل غيره"

محمد : هتوقع ايه يعني منها يلا ربنا يسعدها

" قطع كلامه صوت رنين هاتفهه "

محمد : ايه يا سوسو ازيك

ساره: معزومه النهارده عندكم في البيت

محمد باستغراب: معزومه ازاي!!!! هو انتي محتاجه عزومه اصلا

ساره بمكر: ماهو مش أنا اللي اتعزمت بالاخص دي صحبتي

محمد بصدمه: اوعي تقولي عم جعفر صاحبك.... مين عزمها

ساره بضحك: عيب عليك والله ثانياً وأحنا راجعين من الدروس قابلنا ابوك وهو رايح الشغل وعزمها

محمد : اممممم وهي ما صدقت بقي صح!؟

ساره بحنق: حرام عليك علفكره دي حلفت ما تروح وعمي هو اللي **م عليها وانا قولتلها مش ينفع ترديلو طلب

محمد : خلاص بقي اجي ارخم عليها شويه

ساره بخبث: مش عارفه ياخي انت عايز منها ايه

محمد : هعوز ايه منها يعني انا بحب ادايق فيكي وفي صحابك

ساره : ماشي ماشي يا مودي الجايات اكتر يلا سلام

محمد : مع السلامه يا باشا .

*****************************************

في منزل عبد الوهاب-

سما بخجل : ساره انا م**وفه اؤي يلا بينا نروح

ساره : اثبتي يا بت عيب كده يقولو عليكي ايه

سما بعصبية منخفضه: مانتي اللي جبتيني غصبن عني كان زماني مروحه دلوقتي وبعدين انا مش هاكل عند حد لو عملتي ايه

ساره بضحك: هههههههه بس وطي صوتك اعملي اللي انتي عايزاه انا هاكل انا

سما بابتسامه: طفسه وربي

" قطع كلامهم دخول امجد وحبيبه وهم يتشاجران فالقي بالزجاجه في وجهها "

سما بخضه : يانهار أبيض ايه فيه ايه !!!!

ساره بهدوء: شويه وهيهدو متقلقيش هما كده علطول

أمجد بابتسامه: يا اهلا وسهلا بالحلوين

ساره: ازيك يا ميجو عامل ايه

أمجد بحنق وهو يهمس لها: ميجو كده قدام الضيوف ياخدو عني فكره وحشه

ساره : علي أساس أنه العرض اللي عملته من شويه ده خدت عنك بتبيع سبح

أمجد: دائما مهبطاني كده مش اعرف اعا** ابدا وبعدين مالها مابتتكلمش ليه انتي يا بابا مالك !؟

سما بخجل : ساره ردي عليه انتي والنبي

ساره بمكر : معلش يا ميجو اصلها ماشيه علي الطريق المستقيم ملهاش في الكلام

سما بحنق: الله يخربيتك

أمجد بتقييم: ومالو بردو مش بطال

نعمه بود وهي تحمل الطعام-: اتفضلو يا جماعه الاكل

ساره : اوبااا الاكل شكله يفتح النفس

أمجد: بينا نهجم عليه قبل ما حبيبه تخلصه وانتي يا ست خضره ما تيجي

سما بصوت منخفض: لا شكرا بالهنا ماليش نفس

نعمه برفض: نعممم ايه مليش نفس دي ق*فانه من اكلي ولا ايه لا انا معنديش كده

محمد وهو يدلف إليهم: السلام عليكم

نعمه بحب: اهو الجزء الاول وصل اهو تعالي يا حبيبي كلك لقمه

محمد : ياريت أصلي واقع من الجوع

" سلط أنظاره نحو تلك الجالسه بخجل لم تنطق بكلمه

محمد بهدوء: ما بتكليش ليه !!!؟

: لم تعرف أن الكلام موجه إليها فعبثت في هاتفها حتي لا تنتبه له

محمد بصوت عالي: مش بكلمك !!!؟ مابتكليش ليه

نعمه بضحك: تلاقيها عامله رجيم هههههه

سما بثبات: شكرا مش عايزه أكل بالهنا ليكم

ساره : انا شبعت اقوم اغسل أيدي بقي

حبيبه: خديني معاكي يا سوسو

أمجد: أحسن والله هتوسعو مكان

محمد بضيق: انت هتفضل طول عمرك دبش يالا

نعمه : كلو وانتو ساكتين بقي

نظرت لها اسماء بابتسامه علي بساطتها وبساطة هذه العائلة لقد حرمت من تلك الأمور منذ صغرها "

نعمه بخبث: مالك يا بنتي قاعده وخايفه كده لا بقولك ايه اتعودي بقي لاحسن حماتك تبقي زيي كده

سما بهدوء: والله عادي انا مش خايفه وحضرتك طيبه جدا

" نظر لها وهو يأكل لم يدري لما اصبح يحب النظر إليها بينما هي نظرت في هاتفها تجنبا لأي نظره خاطفة منها---- لململت نعمه الاغراض وذهبت لتضعهم بالمطبخ"

أمجد: سوسو عايزك في موضوع!؟

ساره: موضوع ايه!!!؟

امجد بهمس: مش ينفع هنا تعالي بره

ساره: سما خليكي هنا لما ارجع تمام

سما بتوتر: وبعدين يا ساره مش ينفع تسيبينا لوحدنا !!!

ساره بحنق: هو هيعضك ما تثبتي كده وخليكي عاقله

سما : ربنا يستر من أفكارك.....

" ذهبت هي بينما جلست سما بتوتر ماذا ان خرج لا استطيع مواجهته بعد ما فعله هوني عليكي يا سما فهو لن ينظر لكي ابدا!"

: اتي وجلس على المقعد المقابل لها وأجري اتصالا-: الوووو انا عملت كل حاجه بس لسه سنه يا باشا على الجيش ده خلاص وشكلي هلبس بردو في حته قريبه من كوكب زحل"

لمح منها ابتسامه بسيطة نع عيناها التي تدور في الاتجاهات المختلفة عدا جهته هو -: انتييي!!!! بس بس

سما بتجاهل: انا ليا اسم لما تيجي تناديني ناديني بيه

محمد بضحك: والله والعصفوره طلع لها جناحات

سما بغضب: انت مالك ومالي عايزه أفهم المره اللي فاتت سكت علشان مش أبوظ الحفله لكن دلوقتي مش هيهمني

محمد وهو يقترب منها: وريني كده مش هيهمك ازاي

*************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️