ليته احبني ?

الفصل الرابع

الفصل الرابع من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️

******************************************

في منزل عبد الوهاب.

محمد وهو يقترب منها: ورريني كده مش هيهمك ازاي

سما بخجل وهي تبتعد: ابعد اصل اقسم بالله اصوت والم عليك اللي في البيت

محمد بضحك: ماظنش انك تقدري تعمليها ده انتي عامله زي الكتكوت المبلول

سما بضيق: علفكره انت مفكرني ضعيفة وكده بس ده علشان انا في بيت ناس غريبه لكن غير كده وربي ازعلك

محمد بهدوء: طب حافظي على كلامك شويه معايا علشان مش ازعلك انا

سما: طيب خلاص اتفضل اقعد في مكانك لأحسن حد يشوفنا ومنظرنا مش لطيف

" ابتعد عنها وظل يشاهد التلفاز بملل وأما هي تكاد تنصهر من الإحراج فهي بمنزل غريب وأيضا لا احد هنا سوي والدته التي في المطبخ "

محمد : الوووو ايه يا يحي عملت اللي قولتلك عليه طب استني بسسس بسسس انتي !!!

سما بضيق: أستغفر الله العظيم نعم عايز ايه

محمد : خدي الورقه دي واكتبي اللي هقولهولك

سما : اكتب ايه!!؟ ما تكتب انت

محمد : وبعدين معاكي لو سمحتي

سما : ماشي قول ......

محمد : قول يا يحي الرقم ٠١٠------- ماشي يا صاحبي شكرا

سما بخجل وسعاده: كنت بتمني يبصلي ودلوقتي بقي بيكلمني معقول فيه فرصه أنه يحبني !!!!؟

محمد بصوت عالي: انتي يا ست فيه ايه !!!هاتي الرقم

سما : اتفضل ...

" امتدت يدها إليه لتعطيه الورقه المدون بها الرقم فتلامست ايديهم لتسري القشعريرة بجسدها وتدق طبول السعاده في قلبها ولكن نفت ما يحدث بسرعه ووقعت الورقه اما هو فقد شعر بتأثيره عليها فابتسم لها "

محمد بابتسامه: هاتي الورقه بقي فيه ايه

التقطت الورقه من الأرض واعطتها له ولكن وقعت مجدداً ولكنه كان الأسرع بامساكها-: ايه في حاجه تانيه هتقع ولا كده خلاص

سما بتوتر: انا هروح اشوف اسراء فين !

" ركضت من هذا المكان بسرعه قبل أن تدق نو**يس الخطر لتجد صديقتها بالخارج تتحدث مع أمجد "

سما : ساره خلصتي !!!؟ يلا خلينا نروح

ساره بهدوء: شويه كده يا سما معلش موضوع مهم ادخلي جوا انتي

سما بضيق: يوووه وكان القدر حالف يوقعني في طريقك ...

" دلفت الي الداخل فوجدتها جالس وعالي وجهه علامه انتصار ودلفت صديقتها وراءها مما أعطاها بعض الطمأنينة"

ساره وهي تجلس بجانبه: هات ياد لما العب شويه في الفون

محمد بمكر : لا تعالي نتصور احسن ...

ساره : يلا

" كان سيلتقط صوره لهم ولكن قلب الكاميرا بحيث يلتقط صورة لها وهي سارحه في أمرا ما "

محمد بهمس : ايه رايك جامده صح !!؟

ساره بتقزز: لااا

سما بشك : هو قصده على مين انتو صورتوني صح !!؟

ساره بنفي : لا لا مش صورناكي

سما بحزن: طيب يلا يا ساره خلينا نمشي لو سمحتي اتاخرت

محمد بهمس : هي زعلت ولا ايه

ساره : لا بس لازم تمشي علشان مامتها متقلقش سلام عليكم

" رحلت هي وظلت تؤنب نفسها علي ما تفعله هل من الممكن أن يكون شعر هو بمشاعرها نحوه لذا يتصرف معها كما يحلو له وهو يعلم أنها لن تمانع"

سما بحزم: انا لازم ابعد عنه

ساره بعد فهم: تبعدي عن مين .... سماااا!!؟

سما بخضه : ايه يا بنتي فيه ايه

ساره بشك: سما انتي بتحبي محمد صح !؟

سما بهستيريا: لا طبعا ازاي تقولي كده انا ماعرفش. عنه حاجه علشان أحبه ليه بتقولي كده !!!!

ساره بهدوء: سما انا بسالك بس ليه اتوترتي كده

سما ببكاء: علشان يا ساره انا...

ساره بابتسامه: علشان انتي بتحبيه بس أنا نفسي افهم ليه خبييتي عني أنا كل مره كنت بشك فيكي بس قولت اسيبها براحتها علي العموم يا ستي ربنا يقدم اللي فيه الخير

سما بخوف: قصدك ايه اياكي تقوليلو حاجه

ساره : عيب عليكي انا بقول كده عادي يعني ...

سما : طيب اتمني يا سوسو ... يلا بقي اشوفك بكره

ساره : تصدقي فضلنا نرغي في المواصلات لحد ما وصلنا

سما بضحك: قصدك أنه الوقت عدي معايا في لحظة

ساره باستفزاز: مش اؤي كده يختي سلام

سما : سلام يا سوسو .... اوعي العفاريت الدنيا ليل

ساره بضحك: انا مش بخاف زيك يا خوافه

******************************************

امام منزل ساره ******

.... الجميل رايح فين !؟

ساره بهمس: هو اليوم باين من اؤله يا تيته افتحي الباب

الشخص: اجي افتحهولك انا

ساره : والله انت لو ماسكتش هفتحلك دماغك

الشخص: كده طب تعالي بقي انا هوريكي

" امسك بها امام بوابه منزلهم يبدو أنه متعاطي شيئا من رائحته وأسلوبه "

ساره بصراخ: يا تييييه افتحي ابعد يا حيوان

- في لحظه امسك به شخص آخر وظل يكيل له الض*بات حتي أفقده وعيه ثم بصق عليه وركله بقدمه "

ساره وهي تلهث: شششكرا يااا

عبد الرحمن بابتسامه : عبد الرحمن انتي كويسه

ساره بخجل : شكرا يا استاذ عبد الرحمن انا كويسه

عبد الرحمن: هو باين أنه شارب لانه لو في وعيه مكنش عمل كده

ساره : اه فعلا هو شارب ريحته افيون

عبد الرحمن برفعه حاجب: وانتي ايه اللي عرفك ريحه الأفيون هااا قولي متت**فيش

ساره بغضب: والله !! علفكره انت قليل الأدب وباين من كلامك انك متفرقش اي حاجه عن ولاد الشوارع عن اذنك

عبد الرحمن: استني بس أنا بهزر معاكي متزعليش

ساره : تهزر معايا ليه تعرفني علشان تهزر معايا !!؟

عبد الرحمن: خلاص يا ستي ولا تزعلي نفسك عن اذنك

" تركها ورحل بينما هي نظرت له بشراسه-: غ*ي

****************************************

في منزل سما -

فاتن: سمااا انتي يا بنتي مابتذاكريش ليه ولا بتفتحي كتاب كل يوم تيجي من المدرسه تتلقحي قدام الفون

سما بضجر: يوووه بقي يا ماما كل يوم نفس الموال لما حفظته خلاص قولتلك مش جايلي نفس للمذاكره هو انا لسه رحت ثالثه ثانوي علشان الضغط ده كله

فاتن بحنيه: حبيبتي ضغط ايه بس طيب بدل ما تبصي في التليفون بصي في الكتاب هينفعك

سما : طيب بكره اجازه وهذاكر

فاتن : أما نشوف بس عايزه اقولك مثل قديم يا تحب يا تقب

سما بضحك: اييييه ده يا ماما قولي تاني معلش

فاتن بحنق : اتريقي ياختي معناه أنه لو انتي حبيتي انسي أنه يبقالك كيان في الحياه يعني من الاخر الحب بيخليكي انسانه غ*يه كل تفكيرك فيه وبس ومافيش حاجه تانيه بتشغل بالك غيره

سما بهدوء: مين قالك كده يا ماما الحب لو بجد بيساعدك أنه يبقالك كيان في الحياه وبيفتح مجالات كتير قدامك تعملوها سوا

فاتن بمكر : هو مين ده !!!؟

سما بتسرع : محمد طبعا .....

" جزت علي اسنانها وهي تغمض عينيها لتفتح عين واحد فتجد نظرات والدتها الخبيثه والمبتسمه"

فاتن : كنت عارفه أنه وراء تغير سما هانم العقيد هو الحب مافيش غيره احكيلي بقي

سما بخجل :ماما بالله عليكي بلاش انا اساسا مش مصدقه نفسي وبكدب نفسي

فاتن : طب احكي وانا احدد إذا حبيتيه ولا مجرد اعجاب

سما بابتسامه: مش عارفه بس اول ما يشوفه قلبي بيدق جامد وبحسه هيخرج من مكانه وجسمي بيرجف وتلقائيا ببص ناحيته وكمان بعمل حركات غ*يه اؤي علشان الفت انتبااهه من اول ما شوفته وانا كياني متشقلب مابفكرش غير فيه هو

فاتن بتنهيده: حبيتيه يا سمااا للاسف

سما : ليه يا ماما بتقولي للاسف !!؟

فاتن بحزن : علشان الحب ده ما بيجيش من وراه غير وجع القلب

سما بندم : عندك حق والله بس مش بايدي

فاتن : طيب وهو !!!؟

سما : مش عارفه يا ماما مشاعره ناحيتي ايه

فاتن : ومتحاوليش تعرفي يا سما هو لو حابك هيجي يتقدم ومش هيستني أما لو مش حابك يبقي صوني نفسك وكرامتك واكيد ربنا هيبعتلك اللي يحبك يا بنتي

سما بطاعه : حاضر يا ماما

فاتن: قومي يا حبيبتي صلي العشاء وذاكري ونامي يلا علشان عندك درس بكره

سما بتذكر : اه صح عمو سامح قالي أنه هيوديني لمدرس إنجليزي جديد هنا في البلد بس اللي مدايقني أنه هيدينا في يوم الاجازه

فاتن : احسن لانك في الاجازه بتفضلي اليوم كله نايمه

سما : كده ماشي يا فاتن شكرا

فاتن بضحك: يلا يا بت اخلصي شوفي وراكي ايه

" انتهت من صلاه العشاء لتبدأ بمذاكره دروسها "

***************************************

في منزل ساره-

احمد : ايوه يا استاذ تقدر تاخد المكان والايجار اعتبره بفلوس درس ساره

الاستاذ: بس كده قليل اوي يا حاج علي الايجار الدرس يادوب ب ميه جنيه أما الايجار غالي

احمد : لا يابني ربنا يوفقك انا كده كده مش بفتح المكان ده من زمان يعني مركون ولما ربنا يف*جها بقي والعدد يكبر هيبقي لينا كلام تاني

الاستاذ : شكرا ياحاج مش عارف اقولك ايه انت حليت مشكله كبيره اؤي .... عن اذنك

احمد : ربنا معاك اتفضل يا بني

" رحل بينما دلفت ساره الي والدها..

ساره : بابا مين ده !!!؟

احمد : ده مدرس انجليزي يا حبيبتي لو عايزه

ساره : لا انا هاخد مع المستر اللي جايبه قريب سما بيقولوا شاطر

احمد : اللي يريحك ... اساليها بقي هياخد كام علشان اد*كي الفلوس قبل ما اروح الشغل

ساره : حاضر يا بابا برن عليها اهو وهبقي اعرفك قبل ما تنام .... الو ايه يا سما

احمد : ده كله علشان ترغي براحتك ماشي ياستي ابقي قابلييني لو جددتلك الباقه

سما بضحك: واضح انه الحاج بيحبك اؤي

ساره : كل مره بيقول كده وبيجدد لي الباقه بابا اصلا مافيش منه

سما : ربنا يحفظهولك يارب

ساره : ده مره زعلت منه فضل طول اليوم يصالح فيا وجابلي شوكولاته وشيبسي بس أنا طبعاً فضلت علي موقفي

سما بابتسامه: اه واللي هو ايه موقفك ده

ساره بضحك: اكلت الشكولاته والشيبسي واديته بوسه

سما : يعجبني فيكي ثباتك علي موقفك المهم الاستاذ هيدينا في مخزنكم القديم

ساره : يبقي هو ده اللي بابا قصده عليه

سما : انا فكرتك عارفه المهم هو هياخد مقدم ميه جنيه ومافيش حد هيروح معانا غير ايات ونهي علشان انا مبحبش المجموعات الكبيره وندفع بقي اللي يطلبه

ساره : ماشي المهم في حد طلب رقمك

سما بترقب: مين ده !!!؟

ساره بهدوء: محمد ابن عمي وانا ادتهوله علشان عايز يسألك علي حاجه

سما بسعاده: بجد يا ساره يعني هو فعلا هيكلمني

ساره : مالك يا بنتي فرحتي كده ليه محسساني أنه هيخطبك

سما بإحراج: لا مش قصدي احم المهم الدرس بكره بعد صلاه الجمعه

ساره : ماشي ...

سما : بقولك يا بت يا سوسو

ساره: اممم جيب العواقب سليمة يارب نعم

سما بخجل: هاتي رقمه اسجله لانك عارفه اني مابردش علي أرقام غريبه وممكن لو رن افتكر حد بيعاكس

ساره بمكر : علي أساس أنه قريب وكده المهم خدي يا ستي ٠١٠........

سما : اوعي تقوليلو بقي اني طلبته خليكي جدعه

ساره بضحك: ماااشي تصبحي علي خير يا ست العاشقه

****************************************

" ظلت سما تركض بسعاده في الغرفه وهي تردد اسمه بسعاده بين شفتيها"

سما : احط بقي ستوري لطيف زيي كده بالمناسبة السعيده دي

" يبدو أن الحياة اخيرا ابتسمت لي اتمني الا تعكر مجدداً صفو مزاجي❤️"

سما براحه: هو انا فعلا ممكن الاقي سند في الحياه بعد بابا .... اكيد لا الله يرحمك يا بابا

• بعد مرور ساعه حضرت الفراش للنوم وقبل أن تغفو أعلن هاتفها عن وصول رساله ستغير حياتها -

سما بدهشه : رساله من my hurts ( وجعي ) مستحيل ده انا لسه مسجلاك وجعي معقول اغير وجهه نظري .... طيب استني يا سما وبطلي هبل هتلاقيه في الاخر باعتلك حاجه ملهاش لازمه .... مش مشكله اي حاجه منه هتكون حلوه

" فتحت الرسالة فكان محتواها" ماحدش في الدنيا يقدر يعكر صفو مزاجك وانا موجود ده انا اعكرله مزاج أمه

سما بصدمه : ده كله ليا انا وكمان شاف الاستوري معقول انا مش مصدقه نفسي ارد اقول ايه بقي هستعبط عليه ... مين انت !!؟

محمد : هيكون مين يعني وبعدين ازاي بتسالي وانا رقمي متسجل عندك وبشوف الاستوري

سما بخجل: غ*يه يا سما ... قصدي يعني فكرت أنه حد ماسك فونك وبيبعت رسائل منه

محمد بسخرية: لا متخافيش ماحدش يقدر يمسك فوني ... بتعملي اي!!؟

سما بابتسامه بلهاء : مش بعمل حاجه قاعده

محمد : اممممم ماشي تصبحي علي خير

سما بضيق : وانت من اهل الخير

" اغلق هاتفه وهي أيضا وظلت تتقلب في الفراش"

سما : اكيد زهق منك ومن غبائك يا سما طول عمرك بتعرفي تتكلمي اشمعنا الغباء ده معاه !!!؟ اكيد مش هيكلمني تاني

- لم تذق عيونها النوم ولم يتوقف عقلها عن التفكير وظلت تقلب في الرسالة تاره تبستم وتاره تحزن وظلت ممسكه بالهاتف تنظر لصورته التي تزين المحادثه .... حتي صدع صوت اذان الفجر فقامت متحمسه لا تعلم كم من الوقت مضي وهي لم تغفي فيه ولكنه شعور جميل جدا وكان الفراشات تتراقص حولها توضات وأدت فرضها وذهبت لتغفو قليلا"

***************************************

في الظهيره *

سما بابتسامه: محمد ...

فاتن بصراخ: مش عارفه اعمل فيكي ايه انتي يا زفته

سما بخضه : ايه يا ماما فيه ايه خضيتي !!!؟

فاتن : قومي يا آخر صبري البسي هتتاخري علي الدرس وفاتتك صلاه الجمعه قومي يلا صلي

سما بنوم : حاضر انا نمت ده كله !؟

فاتن بحنق : اه نمتي ده كله وكمان محمد باين كان معاكي في الاحلام

سما بارتباك: محمد مين يا ماما بس !؟

فاتن: محمد ياختي اللي واكل عقلك حتي وانتي نايمه قومي وبعدين لما ترجعي نتكلم

" ارتدت ملابسها علي عجله من أمرها وأدت فرضها وأخذت حقيبتها وركضت قبل أن تنهال عليها والدتها بالاسئله "

*************************************

في المخزن:

ساره : ماشي يا سما لما تيجي

نهي بخبث: ايه اللي انتي لبساه ده شكلك عرفتي انني كمان أنه شباب

ساره : مين ده اللي شباب

ايات بدلع: المستر بتاع الانجلش

" كادت أن ترد عليهم ولكن دلفت صديقتها سما بابتسامه والقت بحقيبتها وهي تلهث-: نهارك فل

ساره بضحك: اخيرا جيتي انا كنت قربت اطق من القاعده لوحدي

نهي : أكيد طبعا مانتي جايه من بدري زي مايكون كنتي مستنيه حد

سما برفعه حاجب-: انتي عايزه ايه يعني !!!؟

نهي : مش عايزه حاجه انتي مالك !

سما : مالي !!!؟الحمد لله كويسه ثانيا ده مخزن بيتهم هي حره تيجي بدري تيجي متأخر تبات فيه هي حره إنما الدور والباقي علي اللي من الصبح ناقعه وشها علشان تبان حلوه وهي اصلا شبه النسناس

نهي بشراسه: انتي اساسا مش متربيه وانا هوريكي

دلف إليهم الاستاذ-: فيه ايييه !!!؟ ايه اللي بيحصل هنا

التفت ساره لتشتكيه ما يحدث-: يا مستر ده هي اللي ... انت !!!!!!!

***************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية ❤️