Ianah's POV
"Saan tayo pupunta?" tanong ko kay Kenneth habang hila parin niya ako sa kanang kamay ko kaya wala akong magawa kundi ang magpahila sa kanya.
Kakatapos ko lang maligo kanina nang biglang dumating sa bahay ni Water si Kenneth at sinabing may pupuntahan daw kaming dalawa.
Wala akong nagawa kundi ang sumunod sa kanya dahil halatang nagmamadali siya.
Napapakamot nalang ako sa ulo habang hila parin niya ako. Hindi ko magawang pumalag dahil talagang nagmamadali siya sa pupuntahan namin. Ayos lang naman na hilain niya ang kamay ko dahil hindi naman ako nasasaktan sa pagkakahila niya.
Habang naglalakad kami ay napapatingin ako sa mga bahay na nadadaanan namin pati narin sa mga tao.
"Ang ganda ng mga bahay" hindi ko na naman mapigilan na hangahan ang mga nakikita ko. Para akong ba
