Nakangiting pinagmasdan ko ang aking sarili sa salamin at nang masigurong maayos ang aking itsura ay lumabas ako ng kwarto. Nagpaalam ako kay Aling Nina upang puntahan si Ghon. Tulad ng sinabi ko kahapon ay guguluhin ko siya ngayon araw. Sisimulan kong ipaalala sa kanya ang mga nawalang alaala. Isinantabi ko muna ang mga bagay na nangyari kahapon. Ayokong maalala ang sakit na naramdaman ko kahapon sa araw na ito.
Hinaplos ko ang aking tiyan at nakangiting kinausap ang aking anak. "Pupuntahan natin ang daddy mo, anak." Saka tinahak ang daad patungo sa bahay nila.
"Ghon!" sigaw ko nang makita ito sa labas ng bahay nila. Kunot ang noong napatingin ito sa akin kaya bahagya kong nakita ang hawak nitong cellphone sa kanang kamay, na nasa tainga nito.
Lumapit ako at kumaway sa kanya. Malaki
