Malapit na siyang matapos mag-ayos ng sarili nang may kumatok sa pintuan.
“Pasok bukas ‘yan,” sigaw niya mula sa loob. Pumasok ang kapatid niya.
“Ate, tapos ka na ba magpaganda? Bilisan mo raw bilin ni Tatay,” turan nito at tinungo ang kama niya at umupo roon.
“Patapos na ako. Ayos na ba ‘yong surprise gift natin kay Nanay?”
“Oo, Ate, excited ako sa magiging reaction niya, matagal na niyang pangarap magkaroon ng gano’n,” natutuwang saad ng kapatid at may kalakip na matamis na ngiti sa mga labi.
“Oo nga, eh. Sa wakas natupad din natin ang pangarap ni Nanay,” sang-ayon niya sa sinabi nito. Nang walang ano-ano’y bigla siya nitong tiningnan mula ulo hanggang paa. Tumirik ang mga mata niya dahil nahuhulaan na niya ang ibig sabihin ng mga tingin na iyon.
“Pinaghandaan mo talaga ang ara
