Tumitindi ang sakit ng ulo ni Mina kaya hindi siya nakatulog nang husto. Bakit ngayon pa nataon na sinumpong siya ng migraine niya kung kailan nasa outing sila at kasama pa sina Clint at Drake. Tinakpan niya ng unan ang noo niya saka diniinan para kahit paano ay maibsan ang sakit na nararamdaman at sakaling makuha niya ulit ang tulog niya.
“’Ma, masakit pa rin po ba?” Napansin yata ng anak niya na pabiling-biling siya ng higaan kaya nilapitan siya nito.
“Masakit pa rin, anak. Anong oras na?” tanong niya sa nahihirapang boses dahil sumasabay din ang pagpitik ng sakit ng ulo niya tuwing magsasalita siya.
Tiningnan nito ang orasan na nasa side table. “Alas kuwatro na po.”
“Hapon na pala.”
“Opo, ‘Ma. Nagpunta po si Drake rito kanina, kaya lang po sabi ko masakit po ang ulo niyo kaya baba
