“Tita, what’s that?” tanong agad ni Drake nang makita siyang papalapit na sa kinaroroonan ng mga ito.
“Your favorite.”
“Squash muffins!” excited na sigaw nito. Nakaagaw tuloy sila ng pansin ng ilang customer na naka-dine in sa coffee shop nila dahil napalakas ang boses nito. Ang ilan naman ay napangiti dahil sa agaw pansin nitong pagsigaw ng ‘Squash muffins.
Inilapag niya sa mesa ang hawak niyang tray saka kinuha ang mga drinks na hawak ng staff niyang nakasunod sa kanya.
Tig-isang chocolate drinks ang inihanda niya sa dalawang bata at kape naman sa kanila ni Clint.
“Be careful, baby,” pinaalalahanan ni Clint ang anak na dahan-dahan sa pagsubo dahil baka masamid ito. “He really likes your muffins,” nangingiting turan nito.
“Because it’s yummy, Dad,” sambit naman ng bata saka kumuha
