Agad kong inutos sa tatlong lalaki na lumabas ng bar na ito. Sa labas kami magtutuos. Hindi naman sila makakatakbo dahil may nakalagay na alambre ang pulsuhan nila at dikit-dikit din sila. At kung tatakabo man ang isa ay madadamay ang dalawa at baka magulagod pa.
Wala namang pumuna sa amin nang lumabas kami, kahit ang security guard ay tikom ang bibig at tumango lang sa akin. Pagdating sa aking kotse ay agad kong kinuha ang tali at muli kong inilagay sa mga pulsuhan nila. Hindi ko na rin inalis ang alambre sa mga pulsuhan nila upang makatiyak ako na hindi sila tatakas.
Agad ko silang hinila papunta sa hulihan ng kotse ko at ang dulo ng tali ay itinali ko sa aking kotse. Bago pumasok sa aking kotse ay tumingin ako sa tatlong lalaki. Kitang-kita ko ang panghihina nila, ilang saksak ang nat
