MABILIS akong pumunta sa back seat ng kotse. Agad akong nagtago upang hindi makita ni DOGGY-DOGGY. Lagot talaga ako oras na makita nito. Mayamaya pa’y narinig kong bumukas ang pinto ng sasakyan ni Dakido. Mabuti na lang din at hindi ako naglagay ng pabango kaya hindi nito naaamoy ako na may ibang tao rito sa loob ng kotse.
Talagang nagpakasiksik ako rito sa gilid upang hindi ako makita ni Dakido. Mayamaya pa’y naramdaman kong tumakbo ang kotse ng lalaki. Halos pigilan ko ang aking paghinga upang hindi lang marinig ni Dakido.
Hindi naman nagtagal ay huminto ang sasakyan. Narinig ko rin na lumabas ng kotse ang lalaki. Medyo nakahinga naman ako nang maluwag. Dahan-dahan ko ring inangat ang aking ulo at medyo sumilip sa bintana. May iba pa palang bahay si Dakido. Malaki ito ngayon. Kumpara
