MATAPOS NAMING makapag-enroll ni Mikas para sa OJT ay naisipan kong ayain siyang magpalamig na muna sa mall. Ayoko kasing madatnan si Jerson na gising pa dahil baka mas lumala pa ang hindi namin pagkakaintindihan.
"Mabuti na lang at hinintay mo akong matapos, kundi wala akong kasama ngayong mamasyal," sabi ko habang papasok kami ng entrance.
"E, bakit ba kasi naisipan mong gumala ngayon kaysa ang magpahinga na lang sa inyo?"
Bahagya akong humarap sa kaniya at napabuntong hininga. "Wala lang, na-miss ko lang mag-window shopping, Mikas," pagpapalusot ko na sandaling ikinatango niya.
"Pero, hindi mo maitatago sa akin ang problema mo, be," aniya na ikinalingon ko. Kaya naman marahan kong inilapit ang aking kamay sa bulsa ng aking shoulder bag kung saan nakalagay ang aking cellphone. At h
