"NAG-ENJOY ka ba?" tanong ni Rafael sa akin matapos namin mag-ikot-ikot sa plaza.
"Oo, salamat, a.." Napangiti ako habang natatanaw pa rin namin ang performer na siyang nagpapasaya sa mga tao. Buwan ng Disyembre ngayon at nalalapit na rin ang pasko kung kaya't ipinagdiriwang ang ka-piyestahan sa bayan nila, at paniguradong may handa rin ngayon sila Mama Jenina dahil sakop pa rin naman ang barangay nila ng bayang ito. Kaya naman nagawa niya akong isama pagkauwi ko pa lamang galing sa trabaho.
"Panigurado, masaya rin ang baby ninyo ni Jerson sa naririnig niya," aniya kaya naman biglang napawi ang ngiti ko pagkarinig na pagkarinig ko pa lamang ng pangalan ni Jerson. Mas naging madalang na kasi ang komunikasyon namin simula no'ng tinanggap ko ang alok na tulong ni Rafael, hindi ko nga alam
