SA PAGBABALIK tanaw ko sa lahat ng nangyayari ay hindi ko inaasahang parang sinusubukan ako ng pagkakataon. Kung gaano ako katatag sa panahon na wala si Jerson sa tabi ko at kung hanggang saan ako makakapagtiis. Sa katunayan, wala akong intensyon na sirain ang pagsasama namin. Ang pagpayag ko sa kagustuhan ni Rafael ay alam kong makakapagpagaan din ng kalooban ko para kahit papaano'y makaiwas sa stress.
Isang araw ay hindi ko namalayan ang kaniyang pagdating. Batid kong sa ipinapakita sa aking pagpapahalaga ni Rafael ay nasasaktan ang kaibigan kong si Mikas. Pero ayoko namang bigyan ng dahilan si Mikas para masira ang friendship namin nang dahil lang kay Rafael. Kaya naman naisipan kong kausapin si Rafael tungkol doon. Nang maupo kami sa may sofa ay walang kahit anong ingay ang nagdudulot
