"BAKS!" pagbati kaagad sa akin ni Dela pagkapasok na pagkapasok ko pa lamang ng Salon. Pero parang walang talab ang malapad niyang ngiti dahil hindi niyon nabago ang mood ko. "O, bakit salubong na naman 'yang kilay mo?"
Napaupo ako sa may front desk at napahilamos ng sariling mukha. Dahil tila hindi pa rin ako pinatatahimik ng aking isipan sa mga salitang binitawan ni Rafael kahapon. "Hayaan mo na muna akong mapag-isa, baks.." sabi ko na ikinatahimik niya. Kaya naman napabalik siya sa pwesto nina Mallow at Eli. Napansin ko pang nag-aalala sila sa akin pero mas pinili ko na lamang na manahimik.
Sumapit ang tanghalian at hindi ko namalayan ang sumunod na pangyayari. Kapapasok ko lang muli ng Salon matapos kumain nang salubungin nila ako ng isang sorpresa.
"Surprise!" At tila mapawi ang
