SAKTONG ika-apat na buwan ng ipinagbubuntis ko nang magdesisyon akong magpa-pre-natal check up kasama si Mikas. Sumakto rin kasi na rest day niya kung kaya't nasamahan niya ako. Kasalukuyan siyang nagwo-work ngayon sa isang BPO company.
Sa kabutihang palad ay wala naman problema sa pagbubuntis ko, kailangan ko lang daw i-maintain inumin ang tine-take kong vitamins.
At dahil malayo ang lalakarin papunta sa may terminal ng tricycle pauwi sa amin ay nakaramdam ako ng pagod. "Magpahinga na muna tayo," sabi ko.
"Ayos ka lang ba? Parang hindi ka na ngumiti matapos ang check-up mo, a?" wika ni Mikas.
"Ayos lang, medyo sumakit lang ang balakang ko.. dahil na rin siguro sa sobrang init," sagot ko.
At tila nabuhayan ako ng pag-asa nang makakita siya ng pahingahan. "Sa bandang ro'n ay malilim,
