PAGKARAAN NG ilang araw ay nabalitaan kong may gusto nang umupa sa bahay namin noon ni Papa. Kaya naman matapos makapag-almusal at bago dumiretso sa trabaho ay nakipagkita kami ni Jerson sa numerong kumontak sa akin.
"Sigurado ka bang nandito na siya?" tanong sa akin ni Jerson nang makarating kami roon. Wala kasi kaming naabutang taong naghihintay sa tapat ng bahay.
"Oo, ayon 'yung sabi niya sa text, e."
"Tawagan mo kaya," suhestyon niya. At sinunod ko naman ang sinabi niya.
Habang hinihintay na sagutin ng numero mula sa kabilang linya ay hindi sinasadyang mahahagip ng mata ko ang isang lalaki na pamilyar ang mukha sa akin. At halos matutop ko ang bibig nang makitang kinuha nito ang sariling cellphone at itapat sa kaliwang tainga. "Hello?" Kung ano ang pagkakabigkas ng bibig niya ay
