ARAW NG LINGGO at kasalukuyang day off ko rin sa trabaho. Kaya may dahilan para makapagpahinga ako ng sapat ngayong araw. Yakap-yakap ko ang unan habang ini-imagine na sana ay si Jerson iyon na mabubungaran kong kayakap sa pagdating ng umaga. Subalit sandaling natigil ang ilusyong iyon nang maalalang wala si Jerson sa tabi ko.
Napabangon ako at nagkaroon ng dahilan para sandaling maisip ang sinabi sa akin ni Annaliza. Hindi ko akalaing magugustuhan niya ang personality ko. Sa dinami-rami ng taong nakasalamuha ko ay ngayon lang may nagsabi sa akin ng gano'n.
Kalauna'y napasulyap ako sa k'wartong iyon habang inaalala naman ang bawat sandaling kasama ko si Jerson. Sa silid kung saan kami ay naging isa at ipinagkatiwala ko sa kaniya ng walang alinlangan ang sarili. Subalit sandaling natigil
