Lhira POV
Nabuhayan ako ng loon sa sinambit ni Thea.
“Bakit? Paano mo nasabi?”
Huminga siya ng malalim. “Nakita ko siya sa kunwari’y libing mo. Kitang-kita ko kung paano siya nagmakaawa sa puntod mo, Lhira. Kahit pa lapida mo na lang ang hawak niya alam kong totoo ang mga sinabi niya. Sinabi niya kung gaano siya nagsisisi sa lahat ng nagawa niya sa’yo at kung gaano ka niya kamahal. Kaya lang mas nanaig sa akin ang galit dahil siya ang may kagagawan ng lahat. Mas sinisi ko siya dahil sa nangyari sa’yo. Ipinamukha ko sa kanya na siya ang may kasalanan sa pagpanaw mo. Dahil hindi ko naman alam ang totoo. Umalis siya sa libingan para puntahan ang Papa mo at doon na siya nahuli ni Tito.”
Napamaang ako sa sinabi niya. Iisipin ko pa lamang ang nararamdaman ni Miguel sa mga oras na yun pa
